चलचित्र ऐश्वर्य यही आइतबार कोरियाको थेजनमा पनि प्रर्दशन गरिने
सोल
नेपाली कथानक चलचित्र ऐश्वर्य यही आइतबार जनवरी १४ तारिख कोरियाको थेजन शहरमा पनि प्रदर्शन गरिने भएको छ । थेजन नेपाली समाजले सो चलचित्र प्रर्दशन गर्न लागेको हो । सोही दिन सउलमा पनि छन्त्याल परिवारले चलचित्र ऐश्वर्य प्रर्दशन गर्ने भएका छन्।
“ तिमी रोएको पल तिमीलाई‘।” गीतका कारण साथै उच्च मेकिङका कारण पनि खुबै चर्चामा रहेको यो फिल्मलाई दिवाकर भट्टराइले निर्देशन गरेका हुन् ।अभिनेता रमेश उप्रेतीको अघिल्लो फिल्म ब्रासलेटले अपेक्षित सफलता नपाए पनि यो फिल्मलाई आफ्नो करिअरकै चुनौतीपूर्ण फिल्म भनेका छन् भने नव नायिका दीपिका प्रसाइको करिअर, प्रशान्त ताम्राकारको भविष्य रिलिज पश्चात साकार भएको यस फिल्ममा केकी अधिकारी,अर्जुन श्रेष्ठ, निर्मल शर्मा, तेन्जु योन्जन लगायतको अभिनय रहेको छ ।
रमेश उप्रेती प्रस्तुतकर्ता रहेको फिल्ममा अर्जुन श्रेष्ठ र किरण राणा उप्रेती निर्माता रहेका छन् । निर्मल शर्मा कार्यकारी निर्माता रहेको फिल्ममा अर्जुन पोखरेलको संगीत, राजेश श्रेष्ठ र सुदीप बरालको छायांकन रहेको छ।
चलचित्र प्रदर्शन गरिने निम्न स्थान रहेको छ ।
स्थान छनथोइ० नोरेग्वान (थेजन यकबाट पैदल ५ मिनटको दूरीमा )
समय दिनको १ बजे
