प्रथम एभरेष्ट कप २०१७ को उपाधी धनकुटा एफ सी को पोल्टामा
प्रथम एभरेष्ट कप २०१७ को उपाधी धनकुटा एफ सी ले जितेको छ । फाइनलमा निर्धारित समयको खेल १/१ को बराबरीमा सकिएपछि ट्रइबेकरमा आयोजक एभरेष्ट एफ सी लाई हराउँदै धनकुटा एफ सीले उपाधी जित्न सफल भएको हो ।
प्रतियोगितामा धनकुटा एफ सी ले डेउ एफ सी गजेदो लाइ २/१ गोल अन्तरले हराउदै फाइनल प्रवेश गरेको थियोे भने आयोजक एभरेष्ट एफ सी ले खुवाङजु एफ सी लाई २/१ गोल अन्तरले हराउँदै फाइनल प्रवेश गरेको थियो ।
प्रतियोगितामा १३ टिमको सहभागिता रहेको थियो । प्रतियोगितामा ५ गोल गर्दै धनकुटा एफ सी का रमेश गुरुङले सर्भाधिक गोल कर्ता को उपाधी हात पारे भने एभरेष्ट एफ सी का अमित श्रेष्ठ प्रतियोगिताका उत्कृष्ट खेलाडी घोषित भए र धनकुटा एफ सी का गोल किपर बिनोद खतिवडा प्रतियोगिताका उत्कृष्ट गोल किपर हुन सफल भए ।
उपाधी विजेता धनकुटा एफ सी ले २५ लाख वोन र उपविजेता एभरेष्ट एफ सी बुसान ले १५लाख वोन प्राप्त गर्न सफल भए । एभरेष्ट एफ सी का संयोजक धनराज तामाङका अनुसार प्रतियोगितामा उल्लेखनीय संख्यामा संघ सस्थाका प्रतिनिधि तथा दर्सकको उपस्थिति रहेको थियो । त्यस्तै प्रतियोगितमा खेलाडीहरुले रोमान्चक खेल खेलेर उपस्थित दर्शकलाई अझ बढी हौसाएका थिए । पहिलो एभरेष्ट कप सफलताका साथ सप्पन्न गराउन सकेकोमा आयोजकले खुसी तथा सहयोगी सबैमा हार्दिक धन्यवाद व्यक्त गरेको छ।
