अकस्मात मृत्यु भएका केपीको परिवारको सहयोगार्थ कोरियामा आर्थिक संकलन

दक्षिण कोरियाको कार्य अवधी सकेर नेपाल फर्केका केपी भूषालको अकस्मात मृत्यु भएपछि उनको परिवारको सहयोगार्थ कोरियामा आर्थिक सहयोग जुटाउन लागिएको छ ।

चार वर्ष १० महिना कोरियाको कार्यअवधि सकेर गत जनवरीमा नेपाल फर्केका विहादी गाउँ पालिका –४ अर्चलपाटाका ३१ वर्षिय केपी (खेम प्रसाद) भुषालको गत आइतवार मृत्य भएको थियो ।

दशैं मानेर राजधानी फर्केका भुषालको ज्वरोको साथै पेट दुखेपछि किर्तीपुर अस्पताल उपचार गरिएको थियो । किर्तीपुर अस्पतालले रोग पहिचान गर्न नसकेपछि उनलाई वनस्थलीस्थित मृगौला उपचार केन्द्रमा भर्ना गरिएको थियो ।

भुषालको मुटु र मृगौलामा एक साथ समस्या देखिएपछि अकस्मात मृत्यु भएको वताइएको छ । भुषालको मृत्यु हुँदा उनकी श्रीमती दुई दिनको सुत्केरी अवस्थामा थिईन । नवजात शिशु छोरा भएको वताइएको छ । पाँच वर्षिय छोरी र उनकी श्रीमती काठमाडौंमा वस्दै आएका थिए । मृतक भुषालका दुई दाजुभाई छन् ।

नवजात शिशु सहित दुई वच्चाको शिक्षा , आमा र सुत्केरी श्रीमतीको सहयोगका लागि आर्थिक संकलन गर्न लागिएको कोरियाबाट सर्पोट नेपाल स्वतन्त्र राष्ट्रप्रेमी युवा समुहका यम श्रेष्ठले जानकारी गराए । कोरियामा रहेको वखत सामाजिक कार्यमा सक्रिय भुषालको मृत्युले कोरियावासी नेपालीहरु दुखी बनेको समूहका अभियन्ता एलवि श्रेष्ठले वताए ।

भुषालले कोरिया रोजगारीमा पुनः जानका लागि भाषा परिक्षा पास गरेर बसेका थिए । आर्थिक रुपमा भुषालको सामान्य परिवार रहेको वताइएको छ । भुषालका नजिकका दाजु केशव भुषालले नवजात शिशु तथा छोरीको शिक्षाको लागि कोरियामा गरिएको पहलप्रति आभार व्यक्त गरे ।

खाता नम्बर  1006-901-459165 bank:- woori bank name:- support nepal foundation..

हाल्सम्म संकलन सहयोग विवरण :

१) किम्हे माइग्रेन्ट हाउस तथा किम्हे चर्च – २००,०००/-वन

२)हरि थपलिया (नुवाकोट)- १००,०००/-वन

३)आर्या श्रेष्ठ (काभ्रे)- ५५,०००/-वन

४)केपी चौलागाईं (सिन्धुपाल्चोक)- १,००,०००/-वन

५)एल.वि श्रेष्ठ (सिन्धुपाल्चोक )- ५०,०००/-वन

६)रमेश उप्रेती(मकवानपुर)-५१,०००/-वन

७)हरि कृष्ण श्रेष्ठ (काभ्रे)- ५००००/-वन

८)गणेश तिमल्सिना (काभ्रे)- ५१०००/-वन