काेरियामा नेपथ्य लाइभ कन्सर्टमा झुमे नेपालीहरू
स्वदेसमै तपाइहरुलाई रोजगारीको प्रवन्ध गर्न नसकेकै कारण सबैजना यो ठाउँ आइपुग्नुभएको हो । आफन्त, साथीभाइ र मान्यजनहरुबाट यसरी टाढिएर बाँच्नुपर्दाको पीडा म बुझ्दछु,’ कन्सर्टकै क्रममा नेपथ्यका मुख्य गायक एवं अगुवा अमृत गुरुङले भने, ‘जेजस्तो भए पनि यहाँ रहँदाको क्षणलाई अवसरका रुपमा लिइदिनुस् र सकेसम्म आफुमा स्वदेसका निम्ति काम लाग्ने सीप विकास गर्नुस्। हाम्रा नेताहरुमा यी तमाम तन्नेरीहरुले राष्ट्रनिर्माणमा सघाउन सक्ने वातावरण तयार पार्ने दृष्टिकोणका लागि हामी अनुरोध गर्छौं।’
कन्सर्टमा अमृतलाइ ध्रुव लामाले ड्रम सेटमा, सुरज थापाले किबोर्डमा, सुविन शाक्यले गितारमा, निरज गुरुङले गितारमा र शान्ती रायमाझीले मादलमा साथ दिएका थिए ।
नेपथ्यले करिब २ घन्टा आफ्नो प्रस्तुती दिएको थियो ।कार्यक्रम हेर्दा हेर्दै,नाच्दा नाच्दै सकियाे, कार्यक्रम छाेटाे भयाे दर्शकहरूकाे गुनासाे थियाे। याे प्रस्तुति संगै नेपथ्यकाे ५ अाैं श्रृंखला हाे काेरियामा।
आयोजकले सोचे जस्तो र लगानी अनुसारको दर्शकको उपस्थिती नभए पनि नेपथ्यकाे प्रस्तुति भने सानदार नै रहेकाे थियाे। कार्यक्रम सफल बनाउन दिनरात खटिने कास्की परिवारका सम्पुर्ण पदाधिकारी,सदस्य ,सम्पुर्ण कास्की बासीहरू,प्रत्यक्ष अप्रत्यक्ष अार्थिक भाैतिक नैतिक सहयाेग गर्ने सम्पुर्ण महानुभाबहरू तथा नेपथ्य ब्याण्डका सम्पुर्ण कलाकारहरूलाइ कास्की परिवारका अध्यक्ष दिल जलारी पासाले धन्यबाद ज्ञापन गरेका छन्।
