एमआरपी त्रुटी नै त्रुटी

निकुञ्ज तिवारी

सोल-नेपालबाट दक्षिण कोरिया पठाइएको मेसिन रिडेवल पासवर्ड (एमआरपी) मा पटक–पटक त्रुटि पाइएको छ । सोलस्थित नेपाली दुतावासमार्फत रुपान्तरणका लागि पठाइएको राहदानीमा फोटो, उमेर, नातासम्बन्ध, हस्ताक्षर, जन्मस्थानलगायतका विविध प्रिन्टिङ इरर भएर आइरहेका छन् ।

दुतावासमार्फत करिब एक वर्ष अगाडि आवेदन बुझाइ पुरानो पासपोर्ट रुपान्तरणका लागि नेपाल पठाइएको राहदानीमा दुइ पटकसम्म गल्ती भएर आएको छ । उक्त राहदानी पुनः सच्याउन पठाइएको छ । एकवर्षको अन्तरालमा पनि राहदानी हात नपरेपछि युवा राहदानीविहिन भएका छन् ।

पर्वत थापाठाना ४ का प्रकाश पौडेल र नागि १ भोजपुरका सपराज राईको राहदानी दुइपटकसम्म गल्ती भएर आएको छ । ‘दुइ–दुइ पटकसम्म राहदानी गल्ती भइ आउनु लज्जाको विषय हो ।’ प्रकाश पौडेलले भने “म एक वर्षदेखि राहदानीविहिन छु । पुरानो पासपोर्ट पनि छैन् । अव भिषा लगाउने समय आउनै लाग्यो । तर अझै राहदानी आएको छैन ।

पहिलोपटक २०१४ अक्टोबर १४ मा आएको थियो ।’ उनले भने ‘पहिलोपटक नम्बर मिस्टेक रहेछ फेरि सच्चाउन पठाएको पुन गल्ती दोहोरियर आएछ । दुतावासमा सम्पर्क गर्दा पुन सच्चाउन पठाएका छौं भन्छन् तर भिसा सकिन लाग्यो । राहदानी हात परेको छैन ।’

दुतावासमार्फत सम्पुर्ण प्रक्रिया पुरा गरी रुपान्तरणका लागि पठाइएको राहदानीमा हरेकपटक गल्ती भइ आउनु दुखद पक्ष भएको उनको गुनासो छ ।

त्यस्तै, सोही समयमा प्रिन्टिङ इररभई आउने राहदानीमा जोरपाटी ३ काठमाडौंका कर्मलामा सेर्पा, बद्रियाका राजेन्द्रबहादुर चन्द्रको इरर एमआरपी फम, रापाकोट १, स्याङ्जाका हरिचरण चपाईको प्रिन्टिङ इरर भई आएको छ ।

दक्षिण कोरियाबाट मेसिन रिडेवल पासवर्ड (एमआरपी) का लागि निवेदन दिएकामध्य इशानेश्वर २ लमजुङका विनिका भुजेलको २०७१ मंसिरमा आवेदन दिएको राहदानीमा प्रिन्ट्रिङ इरर भएर आएको छ ।

दूतावासले यहाँ कार्यरत नेपालीका लागि २०१० डिसेम्बरदेखि एमआरपी आवेदन खुल्ला गरेको थियो । जसमार्फत हालसम्म दुतावासमार्फत करिब ७ हजार नेपालीले एमआरपी बनाएका छन् । दूताबासले एमआरपी मार्फत १२ करोड रुपैयांभन्दा बढि राजश्व संकलन गरेको छ ।

इपिएस लगायत अन्य शीलशीलामा दक्षिण कोरियामा रहेका नेपालीहरुले राजधानी सउलमा अवस्थित नेपाली दुतावासमा नयाँ राहदानीका लागि १ लाख ८७ हजार ५ सय कोरियन वन अर्थात १७ हजार ६ सय तिरिरहेका छन् ।

यो शूल्क नेपालको दाँजोमा ३ गुणा बढि छ । त्यस्तै हराए, भिजेको वा अन्य कारणले अयोग्य ठहरिएको राहदानीका लागि डबल दस्तुर ३ लाख ७५ हजार वन (नेपाली रुपैयाँ करिब ३३ हजार) तोकिएको छ ।

अन्तराष्ट्रिय नागरिक उड्यन संगठन ‘आइकाओ’ को प्रावधानअनुसार हस्तलिखित राहदानी सन् २०१५ नोभेम्बर २४ सम्म मात्र प्रयोग गर्न सकिन्छ । जसअनुसार अहिले प्रयोजनमा रहेका हस्तलिखित राहदानी २०१५ नोभेम्बर २४ पछि काम नलाग्ने हुन्छन् । म्याद सकिनु ६ महिनाअघि राहदानीमा नयाँ भिसा लाग्दैन ।