फोनिज केन्द्रले एफएनजेका संस्थापक अध्यक्ष सत्यनारायण श्रेष्ठ भएको जानकारी सहित संचारमन्त्रीलाई ज्ञापनपत्र बुझाए
फोनिज कोरिया संवाददाता
काठमाण्डौ
नेपाल आदिवासी जनजाति पात्रकार महासंघ (फोनिज) केन्द्रले नेपाल पत्रकार महासंघ (एफएनजे) का संस्थापक अध्यक्ष दिवंगत कृष्ण प्रशाद भट्टराई नभई सत्यनारायण बहादुर श्रेष्ठ भएको जानकारी गराउदै शुक्रबार संचारमन्त्री मोहन बहादुर बस्नेतलाई ज्ञापनपत्र बुझाएका छन् ।
सरकारले आम संचार प्रशिक्षण प्रतिष्ठानमा दिवंगत कृष्णप्रसाद भट्टराईको नाम जोडेर राख्ने तयारी गरिरहकोले त्यसको विरोध गर्दै फोनिजले मन्त्रीलाई ज्ञापन पत्र बुझाएको हो ।पत्रकारहरु संगठित हुुनेक्रममा पहिलो पटक २००८ सालमा पत्रकार संघ गठन भएको र त्यहि संघनै पछि महासंघका रुपमा स्थापित भएको फोनिजले बताए ।
महासंघको संस्थापक अध्यक्ष भट्टराई नभई श्रेष्ठ रहेको भन्दै फोनिजले प्रतिष्ठानमा व्यक्तिको नाम जोडिए अस्वीकार गर्ने चेतावनी दिएको छ । साथै फोनिजले एफएनजेका अध्यक्ष गोविन्द आचार्यलाई पनि ज्ञापनपत्र बुझाउदै आमसन्चार प्रशिक्षण प्रतिष्ठानको अगाडि व्यक्तिको नाम जोडिएकोबारे महासंघको धारणा मागेको छ।सञ्चारमन्त्री मोहन बस्नेतले भट्टराईको नाममा प्रतिष्ठान गठन गर्न महासंघले सहमति जनाएको अभिव्यक्ति दिएपछि फोनिजले महासंघको धारणा मागेको हो ।
इतिहासलाई बंगाउन पाइदैन भन्दै नेवाः पत्रकार राष्ट्रिय दबूले सत्यनारायण बहादुर श्रेष्ठलाई नेपाल पत्रकार महासंघको अध्यक्ष घोषणा गर्नुपर्ने माग गर्दै आन्दोलन गर्ने भएका छन् ।
