के यो माया हो गीतको म्युजिक भिडियो सार्बजनिक
सत्ताइस बर्ष पहिले देखि नेपाली गीतसंगीतमा लागि रहेको ‘लालिगुराँस टिम’ले लालीगुराँस एल्बमको गीत ‘के यो माया हो ? म्युजिक भिडियो सार्बजनिक गरेको छ । सुबिर पन्तको संगीत, रोहित बस्नेतको शब्द रचना रहेको उक्त गीत सन्तोष लामा र मेलिना राई गाएका छन् ।
म्युजिक भिडियो छायांकन चितवनको रमणीय स्थलमा भएको हो । यो गीत झट्ट सुन्दा फिल्मको गीत जस्तो सुनिन्छ । सार्थक डिजिटलका प्रबन्ध निर्देशक जीवन पन्तले गीत फिल्मको लागि सुहाउने खालको भएको र चलचित्रमा राख्ने छलफल भएको तर कुरा नमिले पछि आफैले छायांकन गरेको बताए । ‘लाखौं दर्शक तथा स्रोताको मन जित्न सफल हुने विस्वास छ ।’ उनले भने ।
भेषराज गौतम र उर्मिला रायमाझीको अभिनय रहेको छ भने छायांकन नरेन्द्र सिंह र सम्पादन निशान घिमिरेले गरेका छन् ।
