“स्व.दिल बहादुर घरब्जा स्मृती भलिबल कप २०१७” को उपाधि छन्त्याल परिवारकै पोल्टामा

छन्त्याल परिवार गणतन्त्र कोरिया द्वारा आयोजित स्व.सर्बमान्य दिल बहादुर घरब्जा स्मृति भलिबल कपको उपाधि आयोजक छन्त्याल परिवारकै A टीमले जित्न सफल भएको छ|

गत आइतबार जुलाई ३० तारिख सौलको दोंग्देमुन कुमिन छेयूग्वानमा गर्मि बिदाको अवसर पारेर आयोजना गरिएको भलिबल प्रतियोगितामा १७ टीमले भाग लिएका थिए |१६टिम लाई पछी पार्दै छन्त्याल परिवारले दोस्रो पटक उपाधि उचाल्न सफल भएकोछ|

A पोल बाट सेमी फाइनलमा सी हंग सी आन्सान र मोना A बीचको प्रतिस्पर्धाबाट सी हंगसी फानलमा प्रवेश गरेको थियो |त्यसै गरि B पोलबाट सेमी फाइनलमा छन्त्याल परिवार र पर्बत समाज बीचको प्रतिस्पर्धाबाट छन्त्याल परिवार A फाइनलमा प्रवेश गरेको थियो| फाइनलमा कडा प्रतिस्पर्धाको बीचमा छन्त्याल परिवारले सी हंगसी आन्सानलाई सोझो २ सेटमा पराजित गरेको थियो|

प्रथम हुने छन्त्याल परिवारलाई पुरस्कार स्वरूप नगद १३ लाख वोन, सिल्ड र प्रमाण पत्र,त्यसै गरि दोस्रो हुने सी हंग सी आन्सानलाई नगद १० लाख र प्रमाणपत्र र सेमी फाइनलमा भिड्ने २ टिम मोना A र पर्बत समाज लाई ३५०००० वोनका दरले नगद र प्रमाणपत्र प्रदान गरिएको थियो| बेस्ट प्लेयरको उपाधि भने सी हंग सी आन्सान का गोपाल पुनले हात पार्न सफल भए| प्रतियोगिताको प्रत्यक खेलमा म्यान अफ डी म्याचको पनि घोषणा गरिएको थियो |

प्रतियोगितालाई ब्यबस्थित रुपमा संचालन गर्ने रेफीहरु लोकेन्द्र भट्टचन,दिलु थापा ,मिन राना र सुनेश केसी रहेका थिए |

यस प्रतियोगितालाई सफलता पूर्वक सन्चालन गर्नको लागि अहोरात्र खतीने छन्त्याल परिवार दक्षिण कोरिया कार्यसमितिका सम्पूर्ण पदधिकारी, सदस्यहरु, कोरियामा अबस्थित सम्पूर्ण छन्त्याल दाजुभाइ तथा दिदिबहिनीहरु साथै प्रत्यक्ष  अप्रत्यक्ष  जुनसुकै सहयोग पुर्याउनु हुने ब्यक्ति तथा सस्थाहरु, प्रतियोगितामा भाग लिने सम्पूर्ण खेलाडीहरु तथा प्रतियोगितास्थलमा उपस्थित हुनु भएका सम्पूर्ण दर्शक बन्धुहरु प्रती छन्त्याल परिवारको तर्फबाट अध्यक्ष अमर छन्त्यालले बिसेष धन्यवाद प्रदान गरेका थिए |