विशेष शिक्षा अन्तर्गत कोरियाको विश्वविद्यालयमा अटिजममा विद्यावारिधी गर्दै शरणहरि श्रेष्ठ


दक्षिण कोरियाको छाङवन नेशनल युनिभर्सिटीमा कोरियन विद्यार्थी सहित विभिन्न विषयमा अध्ययन गर्न आएका थुप्रै मुलुकका विद्यार्थीहरुको बाग्लै उपस्थिति देखिन्छ । तिनै विद्यार्थीहरु सँगै केही नेपाली विद्यार्थीहरु पनि अध्ययनरत छन् । छाङवन नेशनल युनिभर्सिटीले अपाङगताबारे अध्ययनअनुसन्धान गर्ने क्रममा (लिडिङ युनिभर्सिटी प्रोजेक्ट फर इन्टरनेसनल कोअपरेसन) अन्तर्राष्ट्रिय सहयोगका लागि अगुवा विश्वविद्यालय परियोजना (लुपिक) मार्फत् हाल छ जना नेपालीले विशेष शिक्षामा विद्यावारिधी (पिएचडी) गर्दै छन् ।


नेपालबाट सहभागी छ जना नेपाली विद्यार्थीहरु मध्ये विशेष शिक्षा अन्तर्गत अटिजम विषयमा विद्यावारिधी गर्दै गरेका एक नेपाली युवा हुन् शरणहरि श्रेष्ठ । शिक्षाशास्त्र केन्द्रिय विभाग किर्तिपूरमा २०६३ सालदेखि उपप्राध्यापक रहदै आएका श्रेष्ठ लुपिक प्रोजेक्ट अन्र्तगत कोरिया आएका हुन् । विद्यार्थीहरुलाई खान, बस्न र केही पकेट खर्च सहित हरेक सुविधा दिदै आएको युनिभर्सिटीले विद्यार्थीलाई सप्ताहान्त २८ घण्टा काम गर्न पाउने अनुमति समेत दिएको छ । एक छोरा र श्रीमतीसहित युनिभर्सिटीकै हातामा रहेको प्रोफेसर बस्ने फ्यामिली क्वाटरमा बस्दै आएका श्रेष्ठ युनिभर्सिटीमा बाल विशेषज्ञका रुपमा काम पनि गर्छन् ।


युनिभर्सिटीकै किन्डरगार्डेन (अरिनीचिब) मा सातामा एक दिन बालबालिकाहरुलाई अंग्रेजी सिकाउने तथा कथा सुनाउने गर्छन् । ‘हप्तामा दुई दिन मात्र क्लास भएपनि असाइन्मेन्ट धेरै हुन्छ । अध्ययनअनुसन्धान गर्नुका साथै कक्षामा प्रेजेन्टेसन गर्नुपर्ने हुँदा अलि ब्यस्त नै भइन्छ’, उनी सुनाउँछन् । ‘श्रीमती पनि यहि युनिभर्सिटीमा कोरियन भाषा सिक्दैछिन् । छोरा यहिको किन्डरगार्डेनमा पढ्छ । ठुलो छोरा र छोरी नेपालमै बोर्डस गरेका छौं कान्छा छोरालाई भने कोरियाकै शिक्षा दिन पाए हुन्थ्यो’, उनी भन्छन् ।


फुलब्राइट स्कुलरसिपमा तीन वर्षको लागि कोरिया आएका शरणहरि श्रेष्ठ विशेष शिक्षा अन्तर्गत अटिजमलाई छानेका छन् । उनका अनुसार अटिजम नेपालको सन्दर्भमा विलकुलै नयाँ विषय हो । नेपालमा २०७३ ले अटिजमलाई सम्वोधन गरेको छ । यो नीतिले अटिजम पनि अपाङगताको एक प्रकार हो भन्ने पहिचान भएको छ । यस अघि अटिजमलाई बौद्धिक अपांगताभित्र हेरिन्थ्यो । अझै पनि अटिजम सम्वन्धि जनचेतना छैन । नेपालमा अटिजम भएकालाई पढाउने दुई वटा मात्र स्कुल छन् । अटिजम भएका बालबालिकाको कुनै तथ्यांक छैन । विश्वको रेकर्ड अनुसार कुल जनसंख्याको एक प्रतिशत बालबालिकामा अटिजम भएको देखिएको छ ।


कोरियामा पढ्ने र पढाउने शैली नेपालको तुलनामा धेरै राम्रो भएको बताउदै श्रेष्ठ अगाडि थप्छन्, ‘यहाँ स्रोत साधन प्रसस्त छ । प्रविधिको अभाव छैन । नेपालको शिक्षा सैद्धान्तिक खालको छ । लेक्चरल मेथोड । प्रोफेसर आयो पढायो गयो । कोरियाको व्यवहारिक खालको छ । प्राक्टिकल बढी, आफैं रिसर्च गर्नुपर्ने । नेपालमा विश्वविद्यालयमा पनि प्रोफेसरले नै पढाउनुपर्छ भन्ने छ तर यहाँ प्रोफेसरले पढाउदैन । विद्यार्थी आफैं सक्रिय हुनुपर्छ । शिक्षकले मूल्यांकन गर्छ । नपुगेको कुरा थपिदिन्छ ।’


नेपालमा झण्डै एकदशक लामो प्राध्यापकीय पेशामा आवद्ध भएपनि कोरियामा आएर एकवर्षको अवधिमा उनले धेरै कुरा सिक्ने मौका पाएका छन् । विशेषत प्राध्यापन शैली अनि विद्यार्थीले प्रोफेसरलाई गर्ने सम्मान । लक्ष्मी माबि गोर्खाबाट एसएलसी गरेर गोर्खा क्याम्पस गोर्खाबाट आइएड गरेपछि महेन्द्र रत्न क्याम्पस ताहाचलबाट अर्ली चाइल्ड एजुकेशनमा बिएड गरेपछि युनिसेफको छात्रवृत्तिमा एकवर्ष विभिन्न विद्यालयमा गएर बालमनोविज्ञका रुपमा काम गरे । त्यहिबेला उनले पाँचवर्ष मुनिका बालबालिकालाई कसरी पढाउने भन्ने विषयमा लेखिएको शिक्षण विधि, बालविकास र सिकाइ, शैक्षिक मनोविज्ञान जस्ता पुस्तक समेत लेखिसकेका छन् ।


ताहाचलबाटै पाठ्यक्रम मुल्यांकन बिषयमा स्नातकोत्तर गरे पछि नुवाकोट आर्दश बहुमुखी क्याम्पसमा केही समय प्राध्यापन समेत गरे । सानै उमेरमा त्रिविमा शिक्षाशास्त्र केन्द्रिय विभागमा उपप्राध्यापक भएका उनी एकवर्ष अघिमात्र त्रिवि सेवा आयोगबाट स्थाइ भएका हुन् । ३८ वर्षिय श्रेष्ठ कोरियाबाट विद्यावारिधी गरेर नेपालमा विशेष शिक्षालाई प्रर्वद्धन गर्ने सोच बनाएका छन् । उनले विशेष शिक्षा विषयमा नेपालमा एमफिल पिएचडि गराउने वातावरणको विकास गर्ने तथा विशेष शिक्षा क्षेत्रमा राज्यलाई महत्वपूर्ण योगदान पुर्याउने जस्ता कामहरु गर्ने योजना बनाएका छन् ।

आफ्नो प्रतिक्रिया दिनुहोस |
सम्बन्धित शिर्षकहरु
  • सउल नेपाल गुम्बाद्वारा मार्च १ मा बृहत ल्होसार ल्हाब्सोल कार्यक्रम गर्ने, तयारी अन्तिम चरणमा
  • काेरियाका लागि नेपाली दुताबासले काेरियाली अध्यागमन प्रकिया सम्बन्धि अन्तरक्रिया कार्यक्रम गर्ने
  • विनोद बुढाथोकीको अध्यक्षतामा डाइनामिक मोरङ कमिटिको नयाँ कार्यसमिति
  • खोटाङ सेवा समाज दक्षिण कोरियाद्वारा दोङ्देमुनमा सेल्टर सञ्चालन
  • ईपिएस

    सोचेजस्तो छैन कोरिया : ‘एक दिन काम नगरे दुई दिनको तलब काटिन्छ’

    मरिन गाउँपालिका सिन्धुलीका अर्जुन परियार र तिमाल काभ्रेका विमलसिंह लामा दक्षिण कोरियाको खाङवन्दोस्थित छङसनगुन नाम्यन पुग्दा फुरफुर हिउँ परिरहेको थियो । गाडीबाट ओर्लिएर बस्ने होस्टलसम्म पुग्दा उनीहरूको कपाल सेताम्य भइसकेको थियो । बाहिरी तापक्रम माइनस १५ ...

    नयाँ वर्षसँगै दक्षिण कोरियामा कामदारको तलब बढ्याे

    नयाँ वर्ष सुरु भएसँगै दक्षिण कोरियाले सन् २०२० का लागि कामदारको न्यूनतम तलब बढाएको छ । गत वर्षभन्दा यो वर्ष २.८७ प्रतिशतले बढेर प्रतिघन्टा ८ हजार ५ सय ९० वन (७.४ अमेरिकी डलर) भएको छ । कोरियामा दैनिक ८ घन्टाको दरले हप्ताको ४० घन्टा काम गर्ने मजदुरको न्यूनतम ज्याला ...

    कोरिया आइपुगेको १७ दिनमै औद्योगिक दुर्घटनामा परि एक नेपालीको मृत्यु

    ईपिएस मार्फत रोजगारीका लागी १७ दिन अघि मात्र दक्षिण कोरिया आएका एक नेपालीको आैधोगिक दृघटनामा परी मृत्यु भएको छ । सुर्खेत पन्चपुरी नगरपालीका २ घर भई हाल दक्षिण कोरियाको थेजनमा रहेको एक कम्पनीमा कार्यरत २३ बर्षिय थिर बहादुर दर्लामी कम्पनिमा काम गर्दै गर्दा ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!