बाग्लुङ सम्पर्क समिती दक्षिण कोरियाको बृहत् भेटघाट तथा बनभोज कार्यक्रम भब्य रुपमा सम्पन्न
बाग्लुङ समपर्क समिती कोरिया द्वारा यहि जुलाइ ८ र ९ तारीख आयोजना गरिएको बृहत् भेटघाट तथा बन्भोज कार्यक्रम भब्यरुपमा सम्पन्न भयेको छ।
सौल देखि करिब २ घन्टा टाढा रहेको ह्वासङ सि अन्तर्गत रमणिय पर्यटन स्थल जेबुदो आइज ल्यान्डमा उक्त पिक्निकको आयोजना गरिएको थियो।
कोरियामा रहेका बाग्लुङ बासीहरुलाई सहभगिता बनाउने , आपसी सम्बन्ध आत्मिय बनाउने उद्देश्य सहित आयोजना गरिएको बनभोजमा कोरियाको विभिन्न क्षेत्रबाट करिब १४० जनाको सहभागिता रहेको थियो। थेगु बुसानबाट एक बस, सौल तुन्देमुनबाट एक बस र सुवनबाट एक बस लगाइएको थियो।
पिक्निकमा नेपाली परिकार सेल रोटी,अचार, खसीको मासु, भात, सलाद र पेय पदार्थको समेत ब्यबस्था गरिएको थियो। विभिन्न मनोरञ्जन कार्यक्रममा लोक दोहोरी गीत, आफ्नो आफ्नो समूह बाट बिभिन्न गीत, नृत्य बाद्यबादनका साधनहरु बजाइ रमाइलो गरिएको थियो ।सनिबार रातभरि खानपिन र मनोरन्जन गरिएको थियो भने राती ३ बजे देखि समुन्द्रमा पानीको सतह बढेको पनि प्रत्यक्ष हेर्ने मौका मिलेको थियो।आइतबार बिहान जेबुदो आइज ल्यान्डको अबलोकन भ्रमण र फोटो खिच्ने कार्यक्रम भएको थियो।
बिहानको खाना पश्चात् रमाइलोको लागि महिला र पुरुषको अलग अलग लत्थो तान्ने खेलको आयोजना गरियेको थियो। पुरुष तर्फ ४ टिम
मध्ये थेगु बुसान समुह प्रथम भएको थियो भने महिलामा सौल र थेगु बुसान समूह मध्ये सौल समूह प्रथम भएको थियो।खेल अति रोचक भएको थियो।
बृहत् भेटघाट तथा बनभोज कार्यक्रममा सुबास लामिछानेको अध्यक्षतामा औपचारिक कार्यक्रम पनि भएको थियो। उपस्थित सम्पुर्ण महानुभाबहरुलाई समितीका वरिष्ठ उपाध्यक्ष राम प्रसाद शर्माले स्वागत गरेका थिए।मन्तब्यका क्रममा धौलागिरी सांगीतिक कार्यक्रमले गर्दा केही मन मुताब भए जस्तो देखिए पनि यो पिक्निकले त्यो अवस्था न रहेको पुस्टी गरेको छ शर्माले भने | बाग्लुङ सम्पर्क समितीले कार्यक्रमको उद्देश्य अनुसार कुस्मिशेरामा एम्बुलेन्स सन्चालन गर्नको लागि रु ५ लाखको अक्षयकोष स्थापना गर्ने निर्णय गरेको शर्माले बताए।
मन्तब्यको क्रममा संरक्षक बिपिन गुरुङले बाग्लुङ सम्पर्क समिती पुरानो स्थापित सकृय संस्था भएकाले सबै साथीहरुले आफ्नो आफ्नो ठाँउबाट हातेमालो गर्नु पर्ने बताए|समितीका सचिब टेक पुनले कार्यक्रम सन्चालन गरेका थिए।समापनको क्रममा अध्यक्ष लामिछानेले कोरियाको विभिन्न स्थानबाट उपस्थित भै पिक्निकलाई भब्य रूपमा सफल बनाउनु हुने सम्पुर्ण महानुभाबहरुलाई धन्यबाद प्रदान गरे त्यसै गरि ब्यबस्थापनमा सहयोग गर्ने कार्य समितिका पदाधिकारीहरुलाई बिशेष धन्यबाद प्रदान गरेका थिए ।पिक्निक स्थलबाट सम्पूर्ण सहभागीहरु ३ बजे आफ्नो आफ्नो गन्तव्यमा प्रस्थान गरेका थिए।
