अक्टोबरमा दस दिन बिदा हुने निश्चित

दक्षिण कोरियामा अक्टोबर महिनामा दस दिन बिदा हुने भएको छ । दक्षिण कोरियाली सरकारको सल्लाहाकार समितिका अध्यक्ष किम जिनप्योले सो कुराको पुष्टि गरेका हुन् । पहिले नै तयार भएको क्यालेन्डरमा अक्टोबर २ सोमबार बिदा थिएन ।
‘अक्टोबर २ सप्ताह अन्त र छुसकको बिदाको बीचमा परेकोले हामीले कामदारलाई पुरा रेष्ट दिनका लागि बिदा दिने भएका छौ ।’ किमले सउलको स्थानीय रेडियोलाई दिएको अन्तरबार्तामा भनेका छन् । यो बर्ष छुसक अक्टोबर ३ तारिख देखि ५ तारिखसम्म पर्छ । अक्टोबर ६ तारिख शुक्रबार यस अघि नै बिदा तोकिएको छ । अक्टोबर ९ तारिख सोमबार हाङगुल दिवसको बिदा पर्छ । यसरी २ तारिख देखि ९ तारिखसम्म बिदा हुने भएको हो ।
‘कोरियनहरु विश्वमै सबै भन्दा धेरै काम गर्ने कामदारमा पर्छन् । जनताको सजिलोको लागि हामी बिहिबार बिदा छ भने शुक्रबार पनि बिदा दिने बनाउँदैछौ ।’ किमले सरकारको योजना सुनाएका छन् ।
अहिलेका राष्ट्रपति मुन जे इनले आफ्नो राष्ट्रिपतिको क्यापियनको समयमा कामदारलाई अहिले बर्षको १५ देखि २० दिन मात्रै बिदा दिने नियमलाई परिवर्तन गर्न चाहेको बताएका थिए । साथै कर्मचारीहरुको गर्मी बिदा १२ दिन हुन पर्ने उल्लेख गरेका थिए ।