कोरियामा नेपाल बौद्ध टुर सम्पन्न

नेपाल बौद्ध परिवार र सउल नेपाल गुम्बाको अगुवाईमा गत जुलाई २ तारिख आइतबार कोरियाका धार्मिक तथा रमणीय स्थलको भ्रमण गरियो । दोसंसा गुम्बाको आयोजनमा भएको एकदिने भ्रमण कार्यक्रममा दक्षिण कोरियाको धार्मिक तथा रमणीय स्थल  충청남도० 수덕사 गुम्बा र 간월암  समुन्द्रको भ्रमण गरिएको थियो । दुई वटा बसमा लगभग ९० जना नेपालीहरु सहभागी भएको धार्मिक तथा रमणीय स्थलको भ्रमण भव्य सफलताका साथ सम्पन्न थियो ।

भ्रमणमा सहभागी सम्पुर्ण नेपालीहरुले भगवान गौतम बुद्धको प्रिंट गरिएको एउटै खाले टीशर्ट लगाएका थिए । टिसर्टद्धारा बुद्धको जन्मभूमि नेपाल हो भन्ने बिषयलाई जोड़ दिइएको थियो । उक्त भ्रमणको क्रममा धार्मिक विधि अनुसार लामाहरु द्वारा पाठ पूजा गरि प्रसाद ग्रहण गरिएको थियो ।

हाल दक्षिण कोरियामा बिभिन्न पेशामा कार्यरत नेपालीहरु आफनो बौद्ध धर्मलाई बढ़ावा दिइ बौद्ध दर्शन बारेमा सम्पुर्णलाई ज्ञान बाढ़ने उद्देश्यले यो धार्मिक भ्रमण गरिएको नेपाल बौद्ध परिवारका अध्यक्ष पेम्बा दोङबा ह्योल्मोले जानकारी गराउनु भयो । धार्मिक तीर्थमा जानुको कारण प्रस्ट्याउदै अध्यक्ष ह्योल्मोले भन्नुभयो, ‘औषधीले शरीरको पिडालाई कम गर्छ भने, मठ मंदिर गुम्बा र तीर्थको भ्रमण गर्नाले मानसिक तनावलाई कम गरि हाम्रो मनोबल बढाउनमा मद्दत पुर्याउछ ।’ उहाँले उक्त भ्रमणमा उपस्थित हुनु भएको सम्पुर्ण नेपाली दाजु भाई तथा दिदी बहिनीहरुमा धन्यवाद प्रकट गर्दै आउँदो दिनमा पनि हामी नेपाली बौद्ध धर्मालम्बीहरु यसै गरि एकजुट भई नेपाल र नेपालीको धर्म संस्कृतिलाई निरंतरता दिन आग्रह गर्नु भयो ।

भ्रमणबाट फर्किने क्रममा बसमा नाचगान र रमाइलो गरिएको थियो । दोसंसा गुम्बा विदेश विभागका प्रमुख कोरियन लामा दोबाव सुनिमले भ्रमण टोलीमा रहेका साथै सम्पुर्ण नेपाली बौद्धधर्म लम्बीहरुलाई धन्यवाद दिनुभएको थियो ।