कोरियामा प्रथम खप्तड कप फुटबल प्रतियोगिता तिब्र तयारीमा
सोल
दक्षिण कोरियामा दिनानुदिन नेपाली खेलाडीहरुको खेल प्रतियोगितामा बड्दो छ । यसै मेसोमा आगामी जुलाई १६ तारिख खेलिने प्रथम खप्तड कप फुटबल प्रतियोगिता तिब्र तयारीमा लागेका छन् ।
कोरियामा सकृय नेपाली फूटबल टिम द्वारा प्रत्येक महिना फूटबल प्रतियोगिता आयोजना गर्ने क्रमानुसार आगामी सातौ महिनाको फूटबल प्रतियोगिता खप्तड कप सुदुर पश्चिम समाजले आयोजना गर्न लागेको हो ।आयोजक प्रतियोगितालाई भब्यताका साथ सफल बनाउन विभिन्न उप समितीहरु गठन गरी तयारीमा जुटेका छन् ।
प्रतियोगिता सोयोसानको खेल मैदानमा हुनेछ भने प्रमुख अथिति कोरियाका लागि नेपाली राजदुत अर्जुन जंगबहादुर सिंह हुनु हुने छन् । प्रतियोगिताको तयारी तिब्र गतिमा अघि बढि रहेको संस्थाका अध्यक्ष नबिन कार्की ज्यूले बताउनु भयो ।
जुलाई ९ तारिख नेपाल हाउसमा प्रतियोगिताको टाईसिट (खेल तालिका ) प्रकासित गरिने महासचिब सन्तोष सुबर्णकारले बताए ।
प्रतियोगिताको दिन खेल मैदानमा विभिन्न नेपाली परिकारहरुको स्वाद चाख्दै खेलको मनोरञ्जन लिन पाइने भएकाले खेलाडीहरुलाई हौसला दिन सबैलाई उपस्थित भइदिन हुन आयोजकले आग्रह गरेको छ । कोरियामा रहनुभएका सम्पूर्ण संघसंस्थाका प्रतिनिधी ज्यूहरु, बुद्धिजिवी, पत्रकार, विद्यार्थी, व्यापारी लगायत नेपाली दाजुभाई तथा दिदी बहिनीहरुलाई उपस्थितिको विशेष अनुरोध गरीएको छ ।
प्रबासी नेपालीहरुको भावनात्मक एकता गराउने तथा प्रबासमा नेपाली फूटबललाई प्रबर्द्धन तथा बिकास गर्ने उद्देश्यका साथ स्थापित नेपाल फूटबल महासङ्घ दक्षिण कोरियाको माताहतमा सो फुटबल प्रतियोगिता हुन लागेका हुन् ।
खेल सम्बन्धी जानकारीः–
मितिः २०१७ जुलाई १६ गते
स्थानः सोयोसान खेल मैदान
समयः बिहान ७ बजे बाट सुरू
आयोजकः सुदुरपश्चिम समाज दक्षिण कोरिया
फोन नम्बरस्
नबिन कार्की ०१०२८९९१२४२
कमल बहादुर शाही ०१०२७३१८४३२
यज्ञ मान नायक (खेलकुद संयोजक) ० ०१०२२६७६००३
सम्पुर्ण खेलहरु नेपाल फुटबल महासंघ दक्षिण कोरियाको नियम अन्तर्गत हुने छ ।
