दक्षिण कोरियामा बुढाबुढीको संख्या बढ्दै
दक्षिण कोरियाको जन्मदर कम छ । सरकारले बिबाह गर्न र बच्चा जन्माउन प्रोत्साहन गरे पनि ब्यस्त जीवन र महंगीका कारण जन्मदर बार्षिक रुपमा घटि रहेको छ ।
पाँच करोड जनसंख्या भएको देशमा गत बर्ष ४ लाख ३ सय बच्चा जन्मिएका छन् भने २ लाख ८१ हजार ६ सय जोडीले बिबाह गरेका छन् । पहिलेका बर्षहरुको तुलनामा निक्कै कम हो । अहिले कोरियाको जन्मदर ०.६७ मात्रै छ ।
जन्मदर कम भएकाले युवाहरुको संख्या कम हुदै गएको सरकारी तथ्यांकले देखाएको छ । अहिले चालिस बर्ष कटेका कोरियनको संख्या ४१ प्रतिशत भन्दा बढि छ । जन्मदर यस्तै रहे विश्व स्वास्थ्य संगठन (डब्लुएचओ) को अनुमानमा सन् २०५० सम्म जनसंख्यामा झन्डै १३ प्रतिशत कम भइ ४ करोड ३० लाख मात्र मानिस रहने छन् । साथै एसियाको चौथो ठूलो अर्थतन्त्र भएको कोरियामा काम गर्न सक्ने उमेर समुहका मानिस एकदम कम हुनेछ । ५५ प्रतिशत मानिसहरु चालिस कटेका हुने छन् ।
