उर्जा मन्त्री जनार्दन शर्मा यहि मार्च १९ मा कोरिया आउने
सोल
उर्जा मन्त्री जनार्दन शर्मा यहि मार्च महिनाको १९ तारिख दक्षिण कोरिया आउने भएका छन् । नेपालको उर्जा क्षेत्रमा कोरियामा रहेका नेपालीहरुको लगानी भित्राउने बारे अन्तरक्रिया गर्न मन्त्री शर्मा कोरिया आउन लागेको कार्यवाहक राजदुत किरण शाक्यले जानकारी दिनुभयो ।
गैर आवासिय नेपाली संघ (एन.आर.एन.ए) कोरिया र राजदूतावासको संयुक्त आयोजनामा मार्च १९ तारिख गरिने अन्तरक्रिया कार्यक्रको लागि मन्त्री शर्मा कोरिया आउने भएका हुन् । मन्त्री संगै नेपाल विद्युत प्राधिकरणका प्राबिधिक इन्जीनियर कृष्ण प्रशाद शर्मा पनि आउने तयारी भइरहेको एनआरएनए कोरियाका कार्यबाहक अध्यक्ष ओम जुग्जाली मगरले जानकारी दिनुभयो ।
उर्जा मन्त्रालयको अभियान ” नेपालको पानी जनताको लगानी ” शिर्षकमा आधारित रहेर सरकारले कोरियाका लागि छुट्टै परियोजना तयार गर्न सकिन्छ की , र त्यसको लागि कोरियामा रहेका नेपालीहरुलाई आवश्यक लगानी बारे छलफल गरिने कार्यबाहक अध्यक्ष जुग्जालीले बताए । साथै अन्तरकृयामा कोरियाबाट भित्रिने रेमिटेन्सलाई विकासमा लगानी गर्ने र सरकारबाट सुरक्षित र सुनिश्चित लगानीको प्रतिबद्धता लगायत विभिन्न विषयमा छलफल गरिने छ ।अन्तरक्रिया कार्यक्रममा कोरियामा रहेका सम्पूर्ण महानुभाबहरुलाई उपस्थितिको लागि एन आर एन ए कोरियाले हार्दिक अनुरोध गरेको छ |
#मिति: (२०१७ मार्च १९ तारिख)
#समय:मध्यान्ह १२ बजे
#स्थान: दोंदेमुन डुट्टा बिल्डिगंको पछाडि 중구 구민 회관
(एन आर एन ए कोरियाको चुनाव भएको, कब्ड्डि कबड्डि र ड्रिम प्रदर्शन भएको हल)
सम्पर्क को लागि कार्यबाहक अध्यक्ष ओम जुग्जाली मगर ०१०३९९४६६१८ ,महासचिब दिपक पुन ०१०४२६६२२८१
