इपिएस कामदारले कार्यअवधि सकिएर पनि नलिएका विमा रकम अब पाउने भएका छन्

फोनिज कोरिया संवाददाता

सोल

कोरियामा इपिएसको कार्यअवधी (करिब ५ वर्ष) सकिएपछि पाइने विमा रकम नलिएका कामदारहरुले अब सो रकम पाउने भएका छन् । लामो समयदेखि विमा रकम नलिएका इपिएस कामदारलाई आफ्नो विमा दावी गर्न आउन इपिएस नेपाल कार्यलय ग्वार्कोले सार्वजनिक आवहान गरेपछि सो अवसर प्राप्त भएको हो ।

सन २०१३ सम्मका पाँच वर्ष कार्यअवधी सकिएपछि पाइने फिर्ती लागत विमा (Return Cost Insurance ) र प्रस्थान ग्यारन्टी वीमाको ( Departure Guarantee Insurance ) रकम दावी गर्न आउन इपिएस नेपाल कार्यलयले गत आइतबार सार्वजनिक सूचना जारी गरेको हो ।

कोरियाका एचआरडी कार्यलयले कार्यअवधि सकिए पछि पनि सो विमा रकम नलिएका करिब २ सय ९८ जनाको नामवली इपिएस नेपाल कार्यलयलाई पठाएको छ । सार्वजनिक गरिएको नामवलीमा विमा रकम उल्लेख गरिनुका साथै पासपोर्ट नम्बर र एलाइन नम्बर तथा नेपाल फर्केको मिती , कोरियामै रहेको वा अज्ञात रहेको उल्लेख गरिएको छ ।

सार्वजनिक सूचनामा सर्वाधिक विमा रकम ४० लाख (एक जना ) देखि २० लाख ( २ जना ) र १० जनाको १० लाख वनभन्दा बढी रकम देखिएको छ । धेरै जासोको ५ लाख वन भन्दा बढी विमा रकम उल्लेख गरिएको छ । विमाका सर्वाधिक रकम देखिएका कामदार २०१३ मै नेपाल फर्किसकेका छन् । विमा रकम लिन बाँकीमध्ये कतिजना नेपाल फर्किसकेका छन् भने कति कोरियामै रहेको, केही भने अज्ञात रहेको सूचनामा उल्लेख गरिएको छ ।

कसको विमा रकम कति रहेको जानकारीको लागि इपिएस कार्यलयको बेभसाइडमा गएर हेर्न सकिने छ ।

http://epsnepal.gov.np/index.php