जापानमा एक बेवारिसे नेपालीको उद्धार गरियो
जापान,
जापानको कानगावा केनको चुरुमीबाट बेवारिसे अवस्थामा पुलिस चौकी पुराएका एक नेपालीलाई ओएनएफ जापानको टोलीद्वारा उद्धार गरिएको छ ।
चितवन पिप्ले घर भई ४ वर्षदेखी जापानमा रहेका ३९ वर्षीय रामचन्द्र सिल्वाललाई बुधवार उद्धार गरिएको छ । बस्ने ठाउँ नभएपछि हिउँद यामको चिसोमा कठन्ग्रीदै पार्कमा बेवारिसे अवस्था बसेका सिल्वाललाई पुलिसले हस्पिटल लगि स्लाइनपानी लगाएर चुरुमी प्रहरी चौकीमा राखिएको थियो ।
प्रवासी नेपाली मंच ओएनएफका अध्यक्ष महेन्द्र श्रेष्ठ, उपाध्यक्ष बाबुराम भण्डारी, उप महासचिव राजेन्द्र श्रेष्ठ, योकहामा नेपाली ग्रूपका संयोजक हरि सापकोटा, फ़ोनिज जापानका अध्यक्ष तथा पत्रकार शान्त पहरी , पत्रकार रविन्द्र श्रेष्ठ लगाएतको सक्रीयतामा उद्धार गरीएको हो। सिल्वाललाई खाना, कपड़ा, जुत्ता किनेर लगाई चूरुमीको एक होटलमा राखीएको छ ।
चार वर्षअघि कुक भिसामा फुपुको छोरी नातामा बहिनीको दर्शन रेष्टुरेण्ट्मा आएका सिल्वाल १२ लाख ऋण तिर्न नसकेर तनावमा थिए । त्यसपछि सो रेष्टुरेण्ट्र नचलेपछि केहि महिना अन्य रेष्टुरेण्ट्मा काम गरेका सिल्वाल गान्जी रेस्टुरेण्ट ३ महिना दसैदेखी काम गरेको बताउछन् ।
सिल्वाल नेपालमा चितवन मैं माध्यमिक बिद्यालयमा गणित र विज्ञान बिषयका बिद्यार्थीलाई पढ़ाउने गरेको उनले बताए । सिल्वाल नेपाल फर्कने भनेपछी यही शुक्रवार बिहानको टिकटको व्यवस्था गरेको योकहामा ग्रूपका संयोजक हरि सापकोटाले बताउनु भयो ।
सिल्वाललाई एन्आरएन, ओएनएफ र चितवन समाज जापानको सहयोगमा जापानमा होटलको बास र नेपाल पठाउने व्यवस्था मिलाएको छ ।
