मिल्ती खोला हाइड्रोपावरका लागि शेयर आवेदन आइतबारसम्म
सौल, मिल्ती खोला हाइड्रोपावर लिमिटेडले जगेड़ा शेयरमा आवेदनका लागि आगामी आइतबार अन्तिम दिन रहेको जनाएको छ। लिमिटेडले आगामी २५ (कृशमस)का दिन सुवन (एभरेस्ट रेस्टुरेन्ट) र थेगु ( तारा रेस्टुरेन्ट) मा आवेदन भर्न सकिने जनाएको छ ।
हाइड्रोमा लगानी गर्न थप युवाहरु इच्छुक भएकोले एक दिनको लागि आवेदन समय थपिएको आयोजना सम्पर्क ब्यक्ति बालकृष्ण त्रिपाठीले जानकारी दिए। जगेड़ा शेयरका लागि नागरिकताको फोटोकपि र एक प्रति फोटो सहित उपस्थित हुन आयोजनाले लगानीकर्ताहरुलाई आग्रह गरेको छ।
दक्षिण कोरियामा कार्यरत नेपाली युवाहरुको प्रत्यक्ष लगानीमा रामेछापको फुलासी ३ मा आयोजनाको निर्माण कार्य भईरहेको छ । हाल आयोजनाको लागि आवश्यक जग्गा खरिद , आयोजना स्थलसम्म पुग्ने ४ किलोमिटर बाटो लागि ट्रयाक खोल्ने कार्य सकिएको छ । सडक सुधारसंगै ड्याम क्यानल र पावर हाउस एकैपटक सुरु गरि आगामी २२ महिनामा सम्पन्न गरिने छ ।
विद्युत खरिद बिक्री सम्झौता (पिपिए ) र उत्पादन अनुमतिपत्र (पिडीए) जारी भइसकेको छ । २०७५ मंसिरसम्म राष्ट्रिय प्रसारणमा जोडिने उक्त आयोजनाको जगेड़ा शेयरमा आवेदन भर्नका लागि सम्पर्क ब्यक्तिहरु :-
सौल र् सुवन क्षेत्रका लागि -बालकृष्ण त्रिपाठी (०१०५९२७९५४३)
थेगुका लागि -नेत्र दुलाल (०१०७२६७६६२१)
