सोनसिकले बिज्ञान तथा प्रविधिको अनुसन्धानबारे सेमीनार गर्दै
फोनिज कोरिया सम्वाददाता
नेपाली बिद्यार्थी समाज दक्षिण कोरिया (SONSIK ) ले ग्वांगजू सहरमा रहेको चोसुन युनिभर्सिटीमा “सोनसिक ५ औ शैक्षिक सेमीनार” को आयोजना गर्न गई रहेको छ । जनवरी १४-१५ मा आयोजना हुने उक्त कार्यक्रममा कोरियामा अध्ययन, अध्यापन, तथा अनुसन्धान क्षेत्रमा कार्यरत नेपालीहरु तथा कोरियाका केहि अधिकारीहरु गरि करीब 100 जनाको उपस्थिति हुने जानकारी सोनसिकका सभापति आरजाना श्रेष्ठले दिनु भयो ।
सो सेमिनार अन्तर्गत पहिलो दिन अर्थात जनवरी १४ मा खोजपत्र लेखन सम्बन्धी बृहत् कार्यशाला, जनवरी १५ मा की नोट प्रेजेंटेशन (Key Note प्रेजेंटेशन) , ओरल प्रेजेंटेशन (Oral Presentation ), तथा पोस्टर प्रेजेंटेशन (Poster Presentation ) को कार्यक्रम रहेको छ । सेमीनारमा बिज्ञान तथा प्रविधि क्षेत्रमा निकै लामो समय देखि कार्यरत अनुभवी अग्रजहरुको उपस्थिति हुने भएकोले सहभागीहरुले बिज्ञान तथा प्रविधिका अन्तर्गत बिभिन्न बिषयमा जानकारी प्राप्त गर्न सकने तथा अनुभव साटासात गर्न सक्ने छन । सोनसिकले कोरियामा रहेका नेपाली बिद्यार्थीहरुलाई लक्षित गर्दै बिभिन्न शैक्षिक, सामाजिक तथा सांस्कृतिक कार्यक्रमहरूको आयोजना गर्दै आएको छ ।
http://sonsik.org.np/events/sonsik-5th-educational-seminar-january-14-15-2017-chosun-university-gwangju/
