नेपाली सम्पर्क समिति कोरियाद्वारा सलनालको सांस्कृतिक बाँडफाँड कार्यक्रम सम्पन्न
फोनिज कोरिया संवाददाता
सउल,
कोरियामा रहेका सम्पुर्ण नेपालीहरुको अविभाबक तथा विभिन्न संघ संस्थाहरुको छाता संगठन नेपाली सम्पर्क समिती दक्षिण कोरियाले कोरिएन नयाँ बर्ष (सलनाल)को लागि नेपाली संघ संस्थाहरुलार्इ कार्यक्रम बाँडफाँड गरिएकोछ।
डिसेम्बर ४ गत आइतबार सउलको नेपाल हाउसमा सम्पन्न कार्यक्रममा यस पालीको कोरियनहरुको महान चाड सलनालमा स्याङ्जा परिवार दक्षिण कोरियाले सांस्कृतिक कार्यक्रम गर्ने र सुर्खेत कोरिया सम्पर्क समिति र संखुवासभा सम्पर्क परिवारले भाग्यशाली चिट्ठा कार्यक्रम गर्ने गरी कार्यक्रम बाढफाड गरिएको थियो । समितीद्धारा निर्मीत निर्णायक मण्डलले कार्यक्रम बाडफाडको निम्ति संस्थाको छनौट गर्दै कार्यक्रम समापन गरिएको थियो।
कार्यक्रम बाँडफाँडको लागि विगत बर्षहरुमाभन्दा अलि भिन्न तरिकाले एनसीसीकैे कार्यसमिति भित्रबाट ५सदस्य निर्णय मण्डल गठन गरिएको थियो । जसमा एनसीसीको अध्यक्ष प्रेम कुमार शाह संयोजक, बरिस्ठ उपाध्यक्ष अन्जु के सी सदस्य, उपाध्यक्षद्वय जित बहादुर गुरुङ एवं भुवन बस्नेत सदस्य र महासचिव सुन्दर लिम्बू सदस्य रहेको थियो ।
समितिको अध्यक्ष प्रेम शाहको सभापतित्वमा र कोरियाको लागि नेपाली श्रम श्रहचारी श्री देवराज ढकाल,विशेष अतिथिमा कार्यक्रम सम्पन्न भएको थियो ।
कार्यक्रममा एनआरएन आइसिसी प्रतिनिधि केपी सिटौला त्यस्तै अतिथिहरुमा पत्रकार महासंघका बरिस्ठ उपाध्यक्ष रजन कुवर, एनआरएन उपाध्यक्ष बिपिन गुरुङ , नेपाली जनसम्पर्क समिति दक्षिण कोरियाको उपसभापति भजेन्द्र क्षेत्री, नेपाली जनप्रगतिशिल मञ्चका खगेन्द्र बुढा मगर, संघीय समाजबादी फोरम कोरिया प्रबास कमिटिका अध्यक्ष महेन्द्र राई पुर्वाञ्चल सरोकार मञ्चको अध्यक्ष काजी नेपाल र एनआरएन उपाध्यक्ष लक्ष्मी गुरुङको आतिथ्य रहेको थियो ।
कार्यक्रमको पहिलो चरणको संचालन महासचिव सुन्दर लिम्बुले गर्नुभएको थियो भने दोस्रो चरणको संचालन एनसीसीको सचिव राजु तामाङले गर्नुभएको थियो।त्यस्तै कार्यक्रममा उपस्थित सबैलाई धन्यवाद ज्ञापन गर्दै सचिव आर्यनविक्रम शाहीले स्वागत मन्तव्य राख्नुभएको थियो।
