भोजपुर परिवारले अग्निपीड़ित राहत संकलन अभियान गर्ने

सउल,

भोजपुर परिवार दक्षिण कोरियाले अग्नि पीड़ितको लागी राहत संकलन अभियान शुरू  गरेको छ।

गत मंशीर ५ गते जिल्ला सदरमुकाम स्थित भोटेपसलमा आगलागी भएको थियो। गहना पसलमा ग्यासको सिलिन्डर पड्कीएर शुरू भएको आगलागी तीव्र गतिमा वजार तर्फ फैलिएको थियो।सदरमुकाम स्थित नेपाली सेना, शसस्त्र प्रहरी वल, नेपाल प्रहरी एबं स्थानीय वासीहरुको संयुक्त प्रयासमा दमकलको सहायताले निकैवेर पछि आगो नियन्त्रणमा गर्न सकिएको थियो ।

सो आगलागीबाट आठ ओटा घरहरु जलेर पूर्ण रुपमा ध्वस्त हुनुका साथै केहि घरहरुमा आंशिक रुपमा क्षती पुगेको थियो । आग्लागीबाट क्षतिपुर्ण घरहरुमा डेरा गरी वस्ने लगायत अन्य आठ परिवार समेत आगलागीवाट पीड़ित वनेका छन।

पीड़ित परिवारहरुलाई व्यक्तिगत र संस्थागत रुपमा राहत आईरहेको परिप्रेक्षमा भोजपुर परिवार दक्षिण कोरियाले पनि राहत संकलन अभियान थालनी गरेको हो।यस परोपकारी कार्यमा सवैलाई दिल खोलेर सहयोग गरीदिन हुन सस्थाले हार्दिक अपील गरेको छ।

रकम संकलनको लागी

खाता नं ३५२-८६८०-२४५१-६३ Nughyup Bank ( कोड नं ०११) Ale magar Ganes

रकम संकलन पश्चात जानकारी गराउनु होला।सार्वजनिक संजालहरु मार्फ़त अपडेट गर्दै जानेछौ।