राप्ती समाज दक्षिण कोरियाद्वारा धन्यवाद ज्ञापन
सौल, राप्ती समाज दक्षिण कोरियाले कार्यक्रम सफल बनाउन सहयोग गर्ने सबैमा हार्दिक धन्यवाद ज्ञापन गरेको छ । समाजले बहुचर्चित चलचित्र ‘छक्का पन्जा’ अत्यन्तै सभ्य र भब्य रुपमा प्रदर्शन गर्न सफल भएकोमा आयोजक परिवार, सम्पूर्ण शुभ चिन्तक शुभेक्षुक , दाजुभाइ, दिदीबहिनी, बिभिन्न संघसंस्था, बिभिन्न ब्यक्तित्वहरु, मिडिया कर्मीहरु , स्पोन्सर गरिदिनुहुने सम्पूर्ण ब्यबसायीहरु लगायत कार्यक्रममा उपस्थित सम्पुर्ण दर्शकहरुमा हार्दिक धन्यवाद ज्ञापन गरेको हो ।
‘राप्ती हाउस’ को नियमित सञ्चालन र ब्यबस्थापन कार्यको लागि आयोजना गरिएको उक्त कार्यक्रममा उल्लेख्य दर्शकहरुको उपस्थितिले गर्दा हल एकैछिनमा भरिभराउ भएपछि चलचित्र २ शोमा देखाउनु परेको राप्ती समाज दक्षिण कोरियाका महासचिब यज्ञमूर्ति पोख्रेलले बताए । कम्तिमा पनि ८०० भन्दा धेरै दर्शकहरुको उपस्थितिले गर्दा चलचित्र २ शोमा देखाइएको थियो । दोश्रो शो हेर्नको लागि दर्शकहरुले निक्कै बेर पर्खनु परे पनि धैर्यताका साथ पर्खेर कार्यक्रम पूर्ण रुपमा सफल बनाउन सहयोग गर्नुहुने सबैप्रति राप्ती समाज दक्षिण कोरियाले बिशेष आभार ब्यक्त गर्दै आफूहरुलाई उक्त चलचित्र उपलब्ध गराई दिने “Rising star Group” लाई पनि धन्यवाद ब्यक्त गरेको छ ।
अन्त्यमा आगामी दिनहरुमा पनि राप्तीलाई यसरी नै सहयोग गरिदिनुहुन सम्पुर्ण कोरिया बासी नेपालीहरुमा राप्ती समाज दक्षिण कोरियाले हार्दिक अनुरोध समेत गरेको छ।
