चलचित्र छक्कापञ्जा सउलमा भब्य प्रदर्शन
फोनिज कोरिया संवाददाता
सउल
नेपाली कथानक चलचित्र छक्कापञ्जा दक्षिण कोरियाको राजधानी सउलमा आइतबार भब्य प्रदर्शन गरिएको छ । राप्ती समाज दक्षिण कोरियाले सेल्टरको व्यवस्थापन गर्न आयोजना गरेको चलचित्र प्रर्दशनीमा दर्शकको उपस्थिती बाक्लो रहेको थियो ।
सउलको छोगेसा गुम्बामा प्रदर्शन गरिएको सो चलचि प्रर्दशनीमा हाउसफुल भएको थियो । सोही हलमा दुई शो प्रदर्शन गरिएको थियो र दुवै शोमा हाउसफुल रहेको आयोजकले जनाएको छ । कोरियामा एकै दिन एकै ठाउँमा दुई शो चलचित्र प्रदर्शन गरिएको सम्भवत पहिलो रहेको दर्शकहरुले अनुमान गरेका छन् ।
कोरियामा विभिन्न सामाजिक संस्थाहरुको नेतृत्वको आतिथ्यमा औपचारीक कार्यक्रम गरी प्रदर्शनीको आरम्भ गरिएको थियो । रइजिइ० स्टारले नेपालबाट कोरिया ल्याएको चलचित्र छक्कापञ्जालाई राप्ती समाजले किनेर प्रदर्शन गरेको थियो । अब आगामी हप्ता राइजिइ०ले नै किम्हेका सो चलचित्र प्रदर्शन गरिने भएको छ ।
