कोरियाको आन्दोलनमा मैले जे देखे


सउल,

दक्षिण कोरियामा अहिले राष्ट्रपति पार्क गुनहेको राजीनामा माग्दै जनप्रर्दशन बढ्दो छ । कोरियाको हरेक संचारमाध्यम अहिले राष्ट्रपति विरुद्धको हट समाचारले तातेको छ । राजधानी सउलको मुख्य भाग ख्वाग्ंहामुनमा मानिसहरु टेन्ट टाँगेर दिनरात प्रदर्शनमा छन् । गत हप्ताको शनिबार सउलमा अचानक स्वत उर्लेका जनमानसको भिडले थप उर्जा दियो । त्यपछि विभिन्न पेशा र समूहका हजार भन्दा बढी संगठनलाई समेटेर बनेका आयोजकले  शनिबार बृहत जनप्रर्दन गरिने सूचना जारी गरयो ।

राष्ट्रपतिको राजीनामा माग गर्दै नेभेम्बर १२ तारिख सउल जाऔ भन्ने पोष्टरदेखि संचारमाध्यमबाट मौखिक आवहान भएको थियो । गत शनिबार कोरियाको जनप्रदर्शन हेर्ने कौतुहल्ताले मलाई पनि सउल तिर डोरायो । दिउसो १ बजे सउलभन्दा १ घण्टा टाडामा रहेको हामी बसमा जामहुने सम्भावनाले ट्रेनमा चड्यौ । सउल स्टेशनमा उत्रेर सिटी हल तर्फ लाग्यौ । बाटोभरी मोटरको चक्का हैन पाइलाका चाप बढ्दै थियो । एलिभेटरहरु मानिसका भार थेक्न नसकी चुप थिए । त्यसैले मानिसहरुका पाइला स्वयमसेवीको इसारामा सिढी उक्लीदै थियो ।

सिटी हलको ठूलो चौरमा बनाइएको स्टेजमा केही भाषण र संगीतिक कार्यक्रम चल्दै थियो । बरीपरीका मोटर गुड्ने सडक मानिसले ढाकिएको थियो । सडकका दुई किनार आवत जावत गर्नेको लर्को थियो । झण्डै ५० मिटरको दुरीमा अग्लो ठूलो स्क्रीनहरु र ठूल्ठूला साउन बक्सले सबैलाई नजिक बनाएको थियो ।

हामी यो दृश्यलाई नाघदै अघि बढ्यौ ख्वांग्हामुन तिर । बाटैमा भेटियो हाइस्कुलका विद्यार्थिको हुल, अन्य विभिन्न हुललाई नाघदै हामी ख्वंग्हामुनमा पुग्यौ । जहाँ साहित्य र कला क्षेत्रका संगठनको विभिन्न चित्र र पोष्टरमा कलामय आन्दोलनका शैलीहरु देखिन्थे । बाद्यबादक र नृतकहरु आफ्नै कलामार्फत प्रदर्शनीमा उत्रिएका थिए । यहाँ बनाएका छुट्टै स्टेजमा राष्ट्रिय स्तरका कलाकारहरु गायन प्रस्तुत गर्दै थिए । विस्तारै ख्वाग्ंहामुनका सडक पनि ढाकिए ।

मोटरमा राष्ट्रपतिको शब यात्राको झाकी प्रदर्शन गर्दै राष्ट्रपति निवास ब्लुहास तर्फ अघि बढे । सोही झाँकी संगै हजारै मानिसको ताती ब्लुहाउसको टेगमा पुगरे धर्नामा बसे । ब्लुहाउसको गेटमा निक्कै बाक्लो प्रहरीको बार थियो । राष्ट्रपति निवासभन्दा ५० मिटर दुरीमा रहेको गेटमा धर्नामा बसेका करिब ५ हजार प्रर्दशनीकारीहरुले चर्को आवाजमा राष्ट्रपति राजिनामाको नारा घन्काएका थिए । मध्यरात १२ बजेसम्म पनि ३ हजार जति प्रदर्शनकारीले गेट छोडेका थिएनन् ।

बृद्धबृद्धा, बालबालिका र साना बच्चासहित मानिसहरु प्रदर्शनीमा सहभागी भएका थिए । प्रहरीका अनुसार ७ लाख भनिए पनि विभिन्न संचारमाध्यमले १० लाख भन्दा बढी प्रर्दशकारी भएको सार्वजनिक गरेका थिए । विभिन्न जिल्लाबाट मानिसहरु बस लिएर आएका थिए । राष्ट्रपतिको राजिनामा मागिएको पोष्टरहरु र विभिन्न पत्रपत्रिका वितरण गरिएको थियो । मैनबत्ती र कागजको कप हरेकको हातमा थियो । दिउसोदेखि रातभर प्रर्दशनीमा बसेका मानिसहरु हल्का खानाहरु त्यही बसेर खाएका थिए ।

खाना खादा निस्केका फोहर र छरिएका पोष्टर र पत्रपत्रिकाका फोहरहरु स्वत संकलन गरी प्लाष्टीकको झोलामा हालेर ठाउँ ठाउँ जम्मा गरिएको थियो । त्यति धेरै मानिस जम्मा भए पनि बालबालिकाहरु सहजरुपमा हिडडुल गरेका थिए । ठाउँ ठाउँ मानिस आउ जाउ गर्ने बाटाहरु थिए । केही प्रर्दनकारीहरु मादक पदार्थ सेवन गरे पनि कतैै झगडा देखिएन । कसैको सामान हराएको पनि सुनिएन । मानिसको बाक्लो चापमा हिडेपनि ठेलाम्ठेल र घचेटाघचेट थिएन । भाषण गर्ने नेताको आवाज चर्के पनि कुनै उर्छिइ०गल थिएन , तोडफोड भएन । सन १९८७ मा राष्ट्रपतिको प्रत्यक्ष निर्वाचनको आन्दोलनमा भन्दा अहिले प्रदर्शनकारी बढी भएको संचारमाध्यमले जनाएका छन् ।

राष्ट्रपति पार्कले साथी चोय सुनलाई विना अधिकार आफ्नो भाषण सम्पादन गर्नेदेखि सरकारी दास्तावेजसम्म पहुज दिएको आरोप लागेको छ । यसरी देशको प्रमुख व्यक्ति गैर काननी व्यक्तिको इसारामा नाचेको भन्दै जनमानस आक्रोशित बनेका छन् । राष्ट्रपति पार्कले गल्ती स्विकार्दै माफी मागेपनि लोकप्रियता घट्दै गएको छ । सुनले राष्ट्रपतिलाई हातमा लिएर भ्रष्चार गरिएको हुन सक्ने आशंकामा अनुसन्धान भइरहेका छन् ।

आफ्नो प्रतिक्रिया दिनुहोस |
सम्बन्धित शिर्षकहरु
  • मगर संघ थेगुको अधिवेशन सम्पन्न : अध्यक्षमा खडक घर्तीमगर
  • जेजुदोमा सोनाम ल्होछार
  • कोरियामा अनिल लामिछाने मगर २०७९ को मगर व्यक्तित्व घोषणाबाट सम्मानित
  • काेरियाकाे सोनाम ल्होछार एक झलक (फोटो फिचर)
  • ईपिएस

    कोरियामा एक नेपालीले झुन्डिएर आत्महत्या : तीन महिनामा ७ नेपालीको ज्यान गयो

    रोजगार अनुमति प्रणाली (ईपिएस) मार्फत रोजगारीका लागि कोरिया आएकी २७ बर्षिय निर्मला तामाङले सोमबार आत्महत्या गरिकी छिन् । उनी सात महिना अघि मात्रै यहाँ आएकी थिइन् । कृषि कामदारको रुपमा आएकी तामाङले पहिलो कम्पनीमा काम गाह्रो भएकोले कम्पनी परिवर्तन गरेको कोरियामै ...

    कोरियाले नेपालसहित १६ देश संग इपिएसकाे सम्झौता नवीकरण गर्ने

    दक्षिण कोरियाले नेपालसहित १६ मुलुकसँगको रोजगार अनुमति प्रणाली (इपिएस) सम्झौता एकैपटक नवीकरण गर्ने भएको छ। सन् २०२० देखि नवीकरणको प्रक्रियामा रहेको सम्झौता १६ मुलुककै एकैपटक गर्ने भएकाले केही ढिलाइ भएको इपिएस शाखाका निर्देशक पुष्पराज कटुवालले जानकारी ...

    ईपिएस मार्फत कोरिया आएका कामदारलाई खुकमिन एनगुममा सहभागि गराउन माग

    रोजगार अनुमति प्रणाली ईपिएस मार्फत दक्षिण कोरियामा रहेका कामदारहरुले यहाँको राष्ट्रिय पेन्सन विमा (खुकमिन एनगुम)मा नेपाली पनि सहभागि हुन पर्ने माग राखेका छन् । श्रम तथा रोजगार मन्त्री शेर बहादुर कँुवर र ईपिएस कोरिया शाखाका निर्देशक पुष्प कुटुवालसँग जुम भर्चुअल ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...