झुम्की प्रदर्शन तयारी पूरा, नुवाकोटको चिठ्ठा खोलिने
सोल, तमु धीँ दक्षिण कोरियाले कोरियामा प्रदर्शन गर्न लागेको नेपाली चलचित्र झुम्की प्रदर्शनको सम्पुर्ण तयारी पूरा भएको छ । धीँका अध्यक्ष प्रदिप गुरुङको अनुसार सम्पुर्ण तयारी पूरा भएर प्रदर्शनको मुख्य दिनको प्रतीक्षामा रहेको बताए ।
“कोरियामा नेपालीहरुको बाक्लो बसोबास रहेको सम्पुर्ण एरियामा प्रचारप्रसारको काम सकिसकेको छ, कोरियामा क्रियाशिल सम्पुर्ण सामाजिक , राजनीतिक, जातीय संघसंस्थाहरुलाई निमन्त्रणा र टिकट विक्रीवितरण सबै सकिएको छ ” धीँका महासचिव श्रीराम गुरुङले भने । अब प्रदर्शनको दिन सम्पुर्ण कोरियामा रहनुभएका नेपाली दाजुभाई दिदिबहिनीहरुलाई उपस्थित भएर कार्यक्रम सफल बनाईदिन आग्रह गर्दछु ।
आपतकालीन राहत कोष वृद्धि , अन्तर्राष्ट्रिय बजारमा नेपाली चलचित्रको प्रवर्द्धन र नेपाली कलासंस्कृती प्रचारप्रसारको उद्धेश्य साथ अक्टोबर १६ तरिखमा झुम्की चलचित्र प्रदर्शन हुँदै छ ।
नेपाली रजतपटमा अहिलेका निकै लोकप्रिय नायक अभिनेता दयाहाङ राई र नायिका / अभिनेत्री रिस्मा गुरुङ्को प्रमुख भुमिका रहेको झुम्कीलाई सफल निर्देशक अपिल बिष्टले निर्देशन गरेका छन । सिने आर्ट र अपिल बिष्ट प्रोडक्सनको निमार्ण रहेको चलचित्र झुम्की हेर्न आउने आइतबार झोगेसा गुम्बाको हलमा उपस्थित भई कार्यक्रमलाई सफल पारिदिन हुन कोरियामा क्रियाशिल सम्पुर्ण संघसंस्था र दाजुभाई दिदिबहिनीहरुलाई तमु धीँले बिशेष निमन्त्रणासहित अनुरोध गरेको छ ।साथै उक्त दिन नुवाकोट समाजको भाग्यशाली चिट्ठा पनि खोलिने कार्यक्रम रहेको छ ।
प्रदर्शन मिति :- अक्टोबर १६ , आइतबार
समय :- दिनको १ बजे
स्थान :- झोगेसा गुम्बा हल
जाने तरिका :- मेट्रो लाईनको लाइन नम्बर १को जोङ्गगाक स्टेशनको गेट नम्बर २ बाट बाहिरिने ।
