कोरियाको सर्बोच्च अदालत प्रागणमा राईले केश मुण्डन गर्ने
रोशन राई
सोल-प्रवासी मजदूर युनियनका अध्यक्ष उदय राईले कोरियाको सर्बोच्च अदालत अगाडी केश मुण्डन गर्ने भएका छन् |
कोरियामा कार्यरत प्रवासी मजदूरहरुको हक अधिकार प्रत्याभूति हुनुपर्ने भन्दै अध्यक्ष राईले आउँदो जुन ४ तारिक ११ बजेको सर्वोच्च अदालत अगाडी केश मुण्डन गर्ने भएका हुन् | उक्त निर्णय गत आईतबार १७ तारिक बैठक युनियनको बैठकले गरेको हो |युनियनले अन्य संघर्षको कार्यक्रम समेत सार्बजनिक गरेको छ ।
एमटियुले प्रवासी मजदुरहरुको सम्पूर्ण अधिकार मजदुर मै हुनुपर्ने , कम्पनी छनौट तथा परिवर्तन स्वतन्त्र रुपमा पाउनुपर्ने , कम्पनी छोडे लगत्तै थेजिकम (बिमा ) कोरियामै पाउनुपर्ने, उचित समयमै तलब पाउनुपर्ने, साथै कमदारहरु माथी हुने श्रम तथा यौन शोषणको अन्त्य हुनुपर्ने जस्ता माग राखेको छ |
एकल प्रदर्शन भने निरन्तर भैरहेको हुँदां काम छोडेर बसेको तथा समय हुने कोही मजदुर मित्रहरुले एमटियु अध्यक्षसँग सम्पार्क गरी सर्वोच्च अदालत मा १ घण्टाको लागी एकल प्रदर्शन गर्न सकिने छ भने जुन ४ तारिक को दिन समय हुने सम्पुर्ण मजदुर साथिहरुलाई उपस्थितिको लागी एमटियु कोरियाले अनुरोध गरेको छ ।
एमटियु कोरियाले गत अप्रिलदेखी संघर्ष स्वरूप निरन्तर कोरियाको सर्वोच्च अदालत अगाडी एकल प्रदर्शन तथा र्याली गरिरहेको छ । त्यस्तै यो पाँचौ महिनाभरि कोरियाको अन्य मजदुर संगठनका अध्यक्षस्तरको बिभिन्न लेखहरु को संकलन पनि भैरहेको छ ।
कोरियामा प्रवासी मजदुरहरुको अधिकार निम्ती सन २००५ मा स्थापित एमटियु कोरियाले स्थापनाकाल देखी नै मजदुर अधिकार को पक्षमा वकालत गर्दै कोरिया सरकार समक्ष बिभिन्न मुद्धाहरुको सम्बोधन गर्न दवाब स्वरूप संघर्ष गर्दै आईरहेको छ ।
