कात्तिके देउराली समाज कोरियाद्धारा एम्बुलेन्स प्रदान
सुमन गिरी
रोजगारीका लागि दक्षिण कोरियामा रहेका काभ्रेका कात्तिके देउराली गाविसका २३ युवाहरुले पारिश्रमिकबाट केहि रकम जोगाएर आफ्नो क्षेत्रका लागि एम्वुलेन्स प्रदान गरेका छन् ।
कात्तिके देउरालीको प्रभा बहुमुखी क्याम्पस प्रांगणमा आयोजित एक समारोहकाबीच नवप्रगतिशिल युवा समाजका अध्यक्ष दिपक प्रसाद चौलागाईं तथा जिल्ला जनस्वास्थ्य कार्यालय काभ्रेका चिकित्सक नेत्रप्रसाद न्यौपानेले एम्वुलेन्स संचालक समितिलाई औपचारिकरुपमा हस्तान्तरण गरे ।
नवप्रगतिशिल युवा समाज मातहत एम्वुलेन्स संचालनका लागि घटुराज गिरीको संयोजकत्वमा कात्तिके देउरालीका स्थानीय समाजसेवी तथा अग्रज व्यक्तित्वहरुको संलग्नतामा एक समिति गठन गरिएको छ ।
एम्बुलेन्स हस्तान्तरण कार्यक्रममा बोल्दै नवप्रगतिशिल युवा समाजका अध्यक्ष दिपक चौलागाइर्ंले कोसिपारी क्षेत्रमा रहेको एम्बुलेन्स अभावको अवस्था हल भएको बताए । उनले भने- ‘एम्बुलेन्स सेवा सुचारु भएसँगै कात्तिके देउराली गाविसका अलवा आसपासका पोखरीचौरी, मादनकुडारी, गोठपानी, चिसापानी, धुसेनी, विर्तादेउराली लगायतका गाविसका जनता समेत प्रत्यक्ष लाभान्वित हुनेछन् ।’
हरेक महिना प्राप्त पारिश्रामिकबाट केहि रकम छुटटयाएर एम्बुलेन्सका लागि रकम जुटाइएको कात्तिके देउराली समाज दक्षिण कोरियाका अध्यक्ष किशोर गिरीले जानकारी दिए । ‘विकट क्षेत्र कोसिपारीका जनताले आपतकालिन स्वास्थ्य सेवाको अभावमा अकालमा ज्यान गुमाउनु परेको यर्थाथलाई केहि हदसम्म भएपनि एम्बुलेन्स सुविधाले कमी ल्याउने विश्वाससहित हामीले प्रवासबाट आˆनो पसिनाको कमाई छुट्टयाएर आˆनो समाजका लागि केहि गर्ने अभियानको शुरुवात गरेका हौ’ समाजका अध्यक्ष गिरीले भने ।
