कोरियामा सबैभन्दा बढी राशी पुरस्कार रहेको गुनसान नेपाली कपको टाइसिट सार्वजनिक

फोनिज कोरिया संवाददाता

पछिल्लो समय कोरियामा खेलकुद गतिविधी बढ्दो छ । लाखौ पुरस्कार राशीको फूटबल र भलिबल प्रतियोगताहरुको आयोजना गरीन थालेका छन् । यसैक्रममा हालसम्मको सबैभन्दा बढी राशी प्रथम पुरस्कार ३० लाख वन राखिएको गुनसान नेपाली कपले कोरियाका नेपाली समुदायमाझ निकै कौतुहलता निम्ताएको छ ।

आगामी सेम्टेम्बर १४ तारिख छुसकमा आयोजना गरिने गुनसान नेपाली कम फूटबल टुर्नामेन्टको खेल तालिका आइतबार सार्वजनिक गरिएको छ । गुनसान नेपाली समाज दक्षिण कोरियाले आयोजना गर्न लागेको सो फूटबल खेल प्रतियोगितामा छिमेकी देश जापानबाट पनि खेलाडी सहभागी हुन आउने आयोजकले जनाएको छ ।

कोरियामा रहेको विभिन्न संघ संस्थाका टिम लगायत जापान एफसी गलायत २२ टिमले खेल खेल्नेछन् । सहभागी टिम धेरै भएपनि खेल  G1 , G2,  G3  गरी तीन वटा खेलमैदानमा खेलिने छ । खेला विहान ७ बजेबाट शुरु गरी साझ ६ बजे सक्काउने आयोजकले समयतालिका तोकेका छन् ।

खेललाई अनुसाशित बनाउन निर्धारित समयभित्र खेलाडी खेलमैदानमा पसी सक्नुपर्ने , ढिला भए १० मिनट पर्खदा पनि नआए स्वत प्रतियोगिताबाट बाहिरीने आयोजकले जनाएको छ ।

झल्लाबुक्दोको गुन्सान नेपाली समाजले ओसिक्दो माइग्रेन्ट सेन्टरसंग मिलेर सो फूटबल प्रतियोगिता आयोजना गर्न लागेको हो । गुन्सानमा रहेका नेपालीहरुवीच एकता कायम गर्ने उद्देश्यले गठित गुन्सान नेपाली समाजले विभिन्न अवसरमा मनोरञ्नात्मक कार्यक्र गर्दै आएता पनि यसपाली पहिलो पटक फूटबल प्रतियोगिता गर्न लागेको हो ।