कोरियाको अस्पतालमा एक नेपाली अर्धचेत ,सहयोगको लागि सबैलाई अपिल
इपिएस मार्फत २ बर्ष अगाडी दक्षिण कोरियामा काम गर्न आएका रुपन्देहीका घनश्याम पल झन्डै एक हप्ता देखि अर्धचेत अबस्थामा अस्पतालको शैय्यामा रहेका छन् । आन्सान स्थित एक इलेक्ट्रिकल कम्पनीमा काम गर्ने पल नियमित काम गर्ने क्रममा गत हप्ता एक्कासि ढलेपछि कम्पनी ले नजिकै को छुङ्गु अस्पतालमा लगेर भर्ना गरिदिएको थियो । एम आर आइ सहित विभिन्न परिक्षण पश्चात चिकित्सकले “ब्रेन शेरेबल इन्फ्राक्सन” भएको र ब्रेनमा रगत जमेको कारण केहि दिन औषधि सेवन गरेर पुन: परिक्षण पश्चात शल्यक्रिया समेत गर्नु पर्ने अस्पताल श्रोत ले जनाएको रुपन्देही सम्पर्क समितिका अध्यक्ष्य हरि गौतम ले बताए ।
अस्पताल भर्ना भए पश्चात पनि उनको हात गोडा केहि नचल्ने र पटक पटक स्वास रोकिने गरेको कारण हाल चिकित्सकको बिशेष निगरानीमा उपचार भैरहेको हरि गौतम ले बताए । काम गर्ने कम्पनीले इन्स्युरेन्स समेत नगरिदिएको र उपचार पद्दति अत्यन्तै महँगो भएको कारणले हालसम्म ५० लाख कोरियन वन सकिसकेको साथै ब्रेनको रगत फाटिसके पछि तत्काल शल्यक्रिया गर्न कम्तिमा एक करोड वन लाग्ने भएकोले आबश्यक रकम तत्काल जोहो गर्न अस्पताल ले बताएको रुपन्देही सम्पर्क समाज का कोषाध्यक्ष आशिष भण्डारी ले बताए ।
घनश्याम पल कार्यरत उक्त कम्पनी उनको तेश्रो कम्पनि हो भने यस अघि पनि अन्य कम्पनीमा काम गर्दा दुर्घटनामा परेर लामो समय उपचार गरेको नजिक का साथि हरुले बताएका छन् l २८ बर्षीय घनश्याम पल लाइ उपचार गर्न थोरै भए पनि सहयोग पुर्याउने उदेश्य सहित रुपन्देही सम्पर्क समितिले सहयोग अभियान संचालन गर्ने भएको छ भने कोरियामा रहनु भएका सम्पूर्ण दाजु भाइ दिदी बहिनि हरुलाई समितिले सहयोगको लागि हार्दिक अपिल गरेको छ ।
उपचारमा सहयोग गर्न चाहनु हुने महानुभाब हरुले आइ.बि. के. बैंक को २२१३३०१४३०२०११ आशिष भण्डारीको खाता नम्बरमा जम्मा गर्न सकिने जनाएको छ । भने ०१०४९९८९७७२ हरि गौतम , ०१०४८३७९३५७ राजिब लाइ सम्पर्क गर्न सकिने बताइएको छ l
