नयाँ शक्ति कोरियाले “पार्टी प्रवेश” कार्यक्रम राख्ने
फोनिज कोरिया सम्बाददाता
सउल, नयाँ शक्ति पार्टीको प्रबाश संगठन “अन्तराष्ट्रिय नेपाली समाज कोरियाले” छुसकको अवसर पारेर सेप्टेम्बर १६ तारिकमा गर्न गैरहेको बृहत खुल्ला तथा अन्तरक्रिया कार्यक्रम संगै “पार्टी प्रवेश” कार्यक्रम पनि राख्ने भएको छ । उक्त पार्टी प्रवेश कार्यक्रममा सहभागी हुन एन.आर. एन. कोरियाका पदाधिकारीदेखि मजदुरसम्म, संघ सस्थाका प्रतिनिधिदेखि बिद्यार्थी हुदै पत्रकारसम्म दर्जनौ इच्छुक युवाहरुले आफ्नो नामावली उपलब्ध गराइसकेको नयाँ शक्ति कोरियाले जनाएको छ ।
नयाँ शक्ति पार्टी को ठोस एजेन्डा र पार्टीमा युवाहरुको चुलिएको लोकप्रियता संगै पार्टी प्रवेश कार्यक्रम पनि समाबेश गर्न आएको आग्रहलाइ मध्यनजर गर्दै स्वयं बाबुराम भट्टाराईको हातबाट पार्टी प्रबेश कार्यक्रम राखिएको नयाँ शक्ति कोरियाका संयोजक हेमन्त पुनले बताए l कुनै पनि बादमा आधारित नरहेको र समय सापेक्ष माग संगै युवाहरुलाई प्रशस्त स्थान दिएकोले नयाँ शक्ति पार्टी बिधिवत रुपमा प्रबेश गर्न लागेको एन.आर.एन. कोरियाका पदाधिकारीहरु बताउँछन् । । एन.सी.सी. का पूर्व सभापति लोचन राइ, जनजाति महासंघ का पूर्व अध्यक्ष्य भक्त शेरचन, फिजिक्समा पी.एच.डी. गर्दै गरेका बिद्यार्थी गोबिन्द अधिकारी जस्ता प्रभावशाली व्यक्तिहरु यस अघि नै नयाँ शक्ति पार्टी प्रवेश गरिसकेका छन् ।
झन्डै एक बर्ष अगाडी अर्थात असोज ९ गते तत्कालिन एमाओबादी पार्टी र व्यबस्थापिका संसद सबै छाडेर बाबुराम खुल्ला सडकमा निस्के देखि नै नेपाली राजनीतिक वृतमा नयाँ शक्तिको तरंग हाबी भएको छ l त्यस्तै २०१६ फेब्रुवरी ६ तारिकका दिन कोरियाको राजधानी सउल मा बिशेष भेला सम्पन्न गरेर औपचारिक रुपमा संगठित भएको नयाँ शक्ति कोरिया स्थापनाको छोटो समयमै अत्यन्तै लोकप्रिय बनेको छ ।
नयाँ शक्ति ले कोरियालाई भूगोल र नेपालीहरुको घनत्वको आधारमा ६ क्षेत्र र २ उपक्षेत्रमा विभाजन गरि आफ्नो संगठनलाई फैलाएर १०१ सदस्यीय केन्द्रिय समिति र ३१ सदस्यीय सचिबालय समिति निर्माण गर्दै १२ सय भन्दा बढी सदस्य हरु वितरण गर्न सफल भएको नयाँ शक्ति कोरियाका संगठन बिभाग प्रमुख राजु श्री ले जानकारी दिए । सेप्टेम्बर १६ तारिकका दिन पार्टी स्थापनाको औचित्य र राष्ट्रिय भेलाको भाब सम्प्रेषण गर्न डा.बाबुराम भट्टराई सहित प्रबास संयोजक नबराज सुबेदी कोरिया आउदै छन् ।
