फ्रि स्टायल डान्स पार्टी हुने

फोनिज कोरिया सम्वाददाता
सउल, कोरियाको महान चाड छुसकको पहिलो दिन १४ तारिख नमस्ते ग्रुपको प्रस्तुति फ्रि डान्स पार्टी कार्यक्रमको आयोजना गरिने भएको छ । दक्षिण कोरियाको राजधानी सउलस्थित दोङ्देमुनको छोङ्रो साम्गास्थित ड्रीम प्यालेसको नवौं तलामा बेलुकी ८ बजेदेखि बिहान ५ बजेसम्म डिजे एभका साथमा हुने डान्स पार्टी कार्यक्रममा युवाहरुको बाक्लो उपस्थिति रहने आयोजनकले बताएको छ ।
प्रवेश शुल्क १५ हजार वन राखिएको उक्त कार्यक्रममा एउटा क्यान वियर निशुल्क प्रदान गरिनुका साथै पेयपदार्थ सस्तोमा उपलब्ध गरिने भएको छ ।
हाल दक्षिण कोरियामा नेपालीहरु करिब ४० हजारको संख्यामा रहेका छ्न । त्यती ठूलो संख्यामा रहेका नेपालीहरु छुसकको बिदामा प्राय: सबै हजारौँको संख्यामा राजधानी सोल तर्फ हानिने गर्दछन । राजधानी स्थित मिनी काठमाण्डु भनेर प्रख्यात भएको ठाउं दोङ्देमुनमा कोरियन चाँडको बेला पाइला राख्ने ठौँउको समस्या हुने गर्दछ । आफ्नो देश छडेर कोरिया आएका नेपालीहरुको लागी त झन यो ठाउँ निकै मगत्वपूर्ण हुने गर्दछ ।
त्यसैले जती भिडभाड भएपनी नेपालिपनले भरिएको उक्त ठाउं प्राय एक दुइ बाहेक सबै जाने, भेट्घाट गर्ने र मनोरन्जनको बाटो खोज्न दोङ्देमुन जान्छन । फ्रि स्टायल डान्स पार्टीमा भरपुर मनोरञ्जन लिनको लागि कोरियामा रहेका नेपाली युवाहरुलाई आयोजक नमस्ते ग्रुपले हार्दिक अनुरोध समेत गरेको छ ।