नयाँ शक्ति कोरियाको ओइजम्बु क्षेत्रको क्षेत्रिय भेला सम्पन्न
सउल, नयाँ शक्ति पार्टीको प्रबाश संगठन अन्तराष्ट्रिय नेपाली समाज द.कोरियाको २ नम्बर क्षेत्र अन्तर्गत ओइजम्बु क्षेत्रको क्षेत्रिय भेला सम्पन्न भएको छ l यहि अगष्ट २१ तारिक आइतबारका दिन दुर्गा रेस्टुरेन्ट ओइजम्बुमा अन्तराष्ट्रिय नेपाली समाज कोरियाका संयोजक हेमन्त पुनको प्रमुख आतिथ्यमा सम्पन्न भएको उक्त भेलाले सन्तोष गुरुङ को संयोजकत्वमा २१ सदस्यीय क्षेत्रिय समिति समेत चयन गरेको छ l नबगठित क्षेत्रिय कार्यसमितिको सह संयोजकमा नकुल आचार्य, सचिब ज्ञानेन्द्र रेग्मी र आर्थिक बिभाग चन्द्र तामाङ्ग रहेका छन् l त्यस्तै सदस्यहरुमा शुरेश खड्का, खेम गुरुङ, प्रमेश राइ, इश्वर भुजेल, रोनिश चौधरी, शुशान्त सुस्लिङ्ग, रामहरी श्रेष्ठ, अरुण मल्ल, मिना बटाला, बिकाश देवकोटा, कमल साम्पाङ्ग, समिर हुसेन, शुरेश कार्की र
सल्लाहकार मदन बानिया रहेका छन् l
“सम्भब छ समृदि हाम्रै पालामा” भन्ने मूल नाराका साथ आर्थिक एजेन्डा र प्रत्यक्ष्य निर्बाचित कार्यकारी राष्ट्र प्रमुखको राजनैतिक एजेन्डालाई आधार बनाएर उदाउदै गरेको नयाँ शक्ति पार्टीको धारणा बारेमा स्पष्ट प्रार्दै संयोजक पुनले समृद्द राष्ट्र निर्माणको जग बसाल्ने यो ऐतिहासिक घडीमा सबैलाई एकताबद्द हुन अपिल गर्दै भेलालाई सम्बोधन गरेका थिए l
त्यस्तै कोरियामा रहेका नेपालीहरुको चेतनाको स्तर उच्च रहेको प्रसंशा गर्दै स्थिर राजनीतिक भएको खण्डमा नेपाललाई पनि कोरिया जस्तै औद्योगिक र पर्यटकीय मुलुक बनाउन धेरै कुरिरहनु नपर्ने तर त्यसको लागि निश्चित उदेश्य बोकेर युबा साथीहरु अगाडी बढ्नु पर्ने धारणा युबा तथा खेलकुद बिभाग इन्चार्ज रमेश पुडासैनीले राखेका थिए l भेलालाई नयाँ शक्ति कोरियाका सचिब तथा २ नम्बर क्षेत्रका इन्चार्ज मिसन गुरुंगले संचालन गरेका थिए भने सहसंयोजक सरोज ढकाल लगायत अन्य पदाधिकारीले आफ्नो मन्तब्य राखेका थिए l
