सेप्टेम्बर १६ मा गोरखा परिवारको अधिबेशन हुने
नेपाल गोरखा परिवार दक्षिण कोरियाको गत आइतबार सोउलमा बसेको कार्य समितिको पुर्ण बैठकको निर्णय अनुसार सेप्टेम्बर १६ तारीख बेलुकी ५बजे देखि सौल(दोङ्देमुन)स्थित नेपाल हाउसमा हुने भएकोले कोरियामा रहनु भइ विभिन्न पेशा तथा ब्यबसायमा आवद्ध सम्पुर्ण कोरिया बासि गोरखालीहरुलाई उपस्थितको लागि गोर्खा परिवारले अनुरोध गरेको छ।
आपतकालीन राहत कोष स्थापना
साथै गोर्खा परिवारले गोर्खाका ब्रेन टियुमर बिरामी जीवन दुवाडिको उपचार्थ ‘जीवन दुवाडि बचाउ अभियान’बाट गोर्खा परिवारको खातामा जम्मा भएको रकम २७०२९४४वोन(सत्ताइस लाख दुई हजार नौ सय चौवालिस वोन) बाट निज बिरामीको लागि ५०००००वोन(पाँच लाख वोन) खर्च भई बाकी रहेको रकमलाई कोरियामा विभिन्न कामको शिलशिलामा बिरामी तथा आपत बिपतमा परेका नेपालीहरुलाई सहयोग गर्ने उदेश्यले तत्कालको लागि गोर्खा परिवारको खातामा बाकी रहेको २२०२९४४ वोन (बाइस लाख दुई हजार नौ सय चौवालिस वोन)बाट ‘गोर्खा परिवार आपतकालीन राहत कोष ‘को औपचारिक रूपमा स्थापना गरेको कुरा सस्थाका अध्यक्ष राजेन्द्र श्रेष्ठले बताउनु भएको छ।
राहत कोष संचालन तथा परिचालनको लागि राजेन्द्र श्रेष्ठ,लक्क्ष्मन भन्तना र यदु लामिछाने रहने गरि तीन सदस्यीय कोष परिचालन कमिटि गठन गरेको छ। जिबन दुवाडिको उपचार्थ अन्य संघ सस्थाले पनि सहयोग संकलन गरेको तर त्यस रकम अहिले सम्म पनि संकलन गर्ने सस्थाहरु सगै रहेकोले यथासक्य चादो संकलित रकम गोर्खा परिवारको आपतकालीन कोषमा जम्मा गरिदिनु हुन सम्बन्धित सबैमा गोर्खा परिवारले अनुरोध गरेको छ। साथै गोर्खा परिवारले गत बर्ष आयोजना गरेको मनासलु साङगितिक सौगात भाग २ बाट संकलन भएको रकमलाई गोर्खा परिवार द्वारा नेपालमा स्थापना भएको गोरखा परिवार वेयलफेयर फाउन्डेसनको कोष वृद्धि बिकासको लागि रु ५२२०००(पाँच लाख बाइस हजार)नेपाल पठाउने निर्णय गरेको छ।
अधिबेशनको लागि थप जानकारी :
मिति:२०१६/सेप्टेम्बर १६
स्थान :नेपाल हाउस (दोङ्देमुन)
समय:साझ ६बजे देखि
सम्पर्क
०१०९१४०२५३८
०१०२१७५३३६१
०१०३४३७६६५९
०१०५९३४४०२२
