नेपथ्यको लाईभ कन्सर्टको पोष्टर सार्बजनिक
सउल, तामाङ संघ दक्षिण कोरियाले आयोजना गरिएको “को म्हेन्दो डाङ्” “नेपथ्य लाईभ कन्सर्ट” को पोष्टर सार्बजनिक भएको छ । गत १४ तारिक आईतबार सोयोसान स्थित मगर संघ कोरियाले आयोजना गरेको “स्व. हेम पुन मगर स्मृति नकआउट फुटबल प्रतियोगितामा” औपचारिक रुपमा पोष्टर सार्बजानिक गरिएको हो ।
तामाङ् संघ दक्षिण कोरियाका अध्यक्ष उईना सिङ तामाङ् , जनजाती महासंघ दक्षिण कोरियाका अध्यक्ष चित्र बहादुर मोक्तान ,बरिष्ठ उपाध्यक्ष पबन चाम्लिङ् राई , मगर संघका अध्यक्ष खड्ग मगर , किराँत राई यायोख्या दक्षिण कोरियाका बरिष्ठ उपाध्यक्ष बाल कृष्ण बान्तवा, संघीय समाजबादी फोरम कोरियाका अध्यक्ष देवराज स्याङ्तान, जन सम्पर्क समिति कोरियाका कार्यबाहक महामन्त्री भिम राज चेम्जोंग र खोटांङ्ग सेवा समाजका अध्यक्ष अमृत राई लगायत अन्य बिबिन्न संघ संस्थाका प्रतिनिधि र खेलाडी हरु बीच नेपथ्य लाईभ कन्सर्टको पोष्टर सार्बजनिक गरिएको थियो ।
उपस्थित सम्पूर्ण संघ संस्थाका प्रतिनिधिहरुले कार्यक्रम सफलताको कामना गरेका थिए । साथै भरपुर सहयोग गर्ने प्रतिबद्धता समेत ब्यक्त गरे । यहि सेप्टेम्बर १५ (छुसकको दोस्रो दिन) बृहत सांगीतिक कार्यक्रम “को म्हेन्दो डांङ् नेपथ्य लाईभ कन्सर्ट “सोल स्थित बाल्सन यक नजिकै रहेको “केबिएस एरिना” हलमा सम्पन्न हुन गै रहेको छ। अत्याधुनिक सुबिधा सम्पन्न , बिश्व प्रसिद्ध कोरियन गायक साईको गाङ्गनाम स्टाईल, चर्चित के पप “गर्ल्स जेनेरेसन” र सिस्टर बिग ब्यांग लगाएत अन्य बिभिन्न चर्चित कलाकार र ब्याण्डले लाईभ प्रस्तुति दिईसकेको केबिएस एरिना हलमा, बिश्व स्तरीय साउण्ड सिस्टम, लाईटिंग र फुल्ली एअर कन्डिसनको सुबिधा समेत रहेको हुँदा सम्पूर्ण कोरिया बासि नेपाली जनसमुदायलाई उपस्थित भै भरपुर मनोरन्जन लिनु हुन् तामाङ् संघ दक्षिण कोरियाले हार्दिक अनुरोध गरेको छ ।
