मोक्फोमा कालोपोथी आउदै
दक्षिण कोरियाको झल्लानाम्दोस्थित मोक्फोमा नेपाली चलचित्र कालोपाथी प्रदर्शन हुने भएको छ । मोक्फोमा कार्यरत नेपालीहरुको सामाजिक संस्था मोक्पो चौतारी नेपालको आयोजनामा यहि अगस्ट २१ तारिख आइतबारको दिन प्रदर्शन हुन लागेको आयोजकले जनाएको छ ।
अन्तर्राष्ट्रिय फिल्म फेस्टिभलमा उत्कृष्ट हुन सफल मिनबहादुर भावले निर्देशन गरेको चलचित्र कालोपाथी कोरियाको विभिन्न सहरहरुमा समेत भव्यताकासाथ प्रदर्शन भइसकेको छ ।
संस्थाको आकस्मिक कोष स्थापनार्थ पहिलो पटक नेपाली चलचित्र प्रदर्शन गर्न लागेकोले कोरियामा विभिन्न पेशा, व्यवसाय गर्दै बसेका, विद्यार्थी पत्रकार तथा रोजगारीमा आएका सम्पूर्ण नेपालीहरुलाई चलचित्र हेरेर सहयोग गरिदिन पनि अनुरोध गरेको छ । तीनवर्ष अघि स्थापित उक्त संस्थाले विभिन्न सामाजिक कार्यहरु गर्दै आएको छ ।
