कोरियामा प्रवासी मजदुरको आन्दोलनमा संस्थागत प्रतिनिधित्वको अनुरोध
फोनिज कोरिया संवाददाता
सउल
प्रवासी मजदुर संग (एमटियु) कोरियाका अध्यक्ष उदय राईले कोरियामा विद्यमान मजदुरको विभिन्न समस्याको समाधान गर्न नेपाली संघ संस्थालाई संस्गागतरुपमै प्रतिनिधित्व जनाइदिनुहुन आग्रह गरेका छन् । एमटियुले आइतबार आफ्नै हलमा गरेको अन्तरकृया कार्यक्रममा अध्यक्ष राईले सो आग्रह गरेका हुन् ।
कोरियामा रहेका विभिन्न संगठनको आ आफनै भूमिका भए पनि मजदुरको समस्याको नीतिगत समाधान गर्ने क्षेत्रअधिकार भित्र नपर्ने भएकाले एमटीयुको कार्यक्रममा संस्थागतरुपमा सहभागि भईदिनुहुन आग्रह गरिएको अध्यक्ष राईले प्रष्टाए । हामी विदेशी भएपनि यहाँका मजदुर भएकाले मजदुरको हक अधिकारको लागि सडक धर्नामा बस्न मिल्ने अध्यक्ष राईले प्रष्ट पारे ।
सरकारले हाम्रो समस्यालाई समस्याको रुपमा नलिने गरेकोले र दवाबको लागि संख्याको महत्व हुने भएकाले पनि हामी सडकमा धर्ना बस्न बाध्य भएको उनले थपे । यहाँ कामदारहरुले स्वतन्त्ररुपमा कम्पनी परिर्वतन गर्न पाउने प्रावधान भए ८० देखि ९० प्रतिशत समस्या समाधान हुने उनले बताए ।
कार्यक्रममा कोरियन प्रजातान्त्रिक मजदुर संगठन (केसीटीयु)का विदेशी विभाग प्रमुख रिय मि क्योइ०ले इपिएस र कतारको कपला ( मजदुरले पासपोर्ट साहुलाई बुझाउने ) प्रणालीमा फरक नभएको भन्दै इपिएस सुधारको लागि अन्तराष्ट्रिय श्रम संगठन (आइएलओ)मा कुरा राखेको बताए । इपिएसका खराब पक्षका सुधारको लागि नेपालमा पनि यस्तै कार्यक्रम गरी मिडिया मार्फत सरकारलाई दवाद दिन सहभागीहरुले सुझाव दिएका थिए ।
