कोरियामा नेपाली झुन्डिएको अबस्थामा मृत फेला
जीबी लामा
आनसान -कोरियाको हवासङ सिमा सोमबार बिहान झुन्डिएको अबस्थामा एक जना नेपाली मृत अबस्थामा फेला परेका छन् । कास्की जील्ला घर भई सिजिन कम्पनीमा कार्यरत रामहरी बराल बिहान करीब ८ बजे कम्पनि नजिकैको कोठामा मृत फेला परेका हुन् ।
बिहान ८ बजेसम्म पनि काममा नगएपछि साहुले खोजी गर्दा ढोका बन्द गरी रहेको पाइएको र बोलाउदा आवाज नआएपछि ढोका फोरी हेर्दा झुन्डीएको अबस्थामा मृत फेला परेको घटनाका प्रतक्षदर्शी घ्याम्सो तामाङले बताए । मृतक बराल बिहान करीब ७ बजे बाहिर निस्केर हात मुख धोई पुन कोठामा फर्केका थिए ।
ईपीएस प्रणाली अन्तर्गत करीब १५ महीनाअघि कोरिया आईपुगेका उनीसँगै अरु २ जना नेपाली कार्यरत छन । आत्महत्या गर्नुको कारण भने थाहा हुन नसकेको बताइएको छ । हाल उनको शबलाई प्रहरीले पोस्टमार्टम लागी अस्पतालमा राखेको छ र पोस्टमार्टम रिपोर्ट भने आउन बाकी रहेको बताईएको छ ।
रोजगारीको लागी कोरिया आउने क्रम बढे सँगै दिनानुदिन आत्महत्या र दुर्घटना पनि बढदै गईरहेको छ । गत केहि दिनअघि मात्र आल्मुनियम बिष्फोट परी दाङ रामपुरका अती उल्लाह खानको मृत्यु भयको थियो भने हरी सुबेदी गम्भीर घाइते भएका थिए ।
