कोरियाको विद्यार्थि समाज ‘सोनसिक’को नेतृत्वमा पुनह महिला निर्वाचित
नेपाली विधार्थी समाज दक्षिण कोरिया सोनसिकको 13औ अधिबेसनले आरजना श्रेष्ठको नेतृत्वमा नयाँ कार्यसमिति गठन गरेको छ। सनिबार र आइतबार बुसान नेशनल यूनिभार्सिटीमा भएको अधिबेशनले 13 सदस्यीय नयाँ पदाधिकारी चयन गरेको हो।
सभापतिको लागि भएको तिन जनाको प्रतिस्पर्धामा विजेता आरजना श्रेष्ठले 85 मत प्राप्त गरि अन्यलाई पछि पारिन । प्रतिस्पर्धी सभापतिका अर्का प्रत्यासी तुलसी पौडेलले 67 मत प्राप्त गरे भने अर्का प्रत्यासी शौरभ भट्टराईले 62 मत प्राप्त गरे।
सचिव पदको लागि भएको मतदानका लागि केशव थापाले सबै भन्दा बढ़ी 133 मत प्राप्त गरि सचिवका प्रतिष्पर्धि रमेश परियारलाई हराए। परियारले 80 मत प्राप्त गरे। सभापति र सचिव बाहेक अन्य पदमा सर्व सहमतिमा पदाधिकारी चयन गरिएको छ।
बिधान अनुसार चयन चार क्षेत्रका लागि उपाध्यक्षमा निर्मल प्रसाद भट्ट,सुजीता कार्की,जीवन कुमार बन,देबेश झा सर्वसहमतिमा चयन गरिएको छ। अधिबेशनले सह सचिवमा प्रक्क्षित निरौलालाई चयन गरेको छ। 13 औ अधिबेशनले कोषाध्यक्षमा सकिन श्रेष्ठलाई चयन गरेको छ। सदस्यहरुमा मिलन गौतम,भीष्म पण्डित, राजेश्वर ज्ञवाली, भुवन पौडेल र बिजय रायमाझी सर्व सहमतिमा चयन भएका छन।
सभापतिमा बिजयी श्रेष्ठले कोरियामा प्राप्त प्रावधिक ज्ञानलाई नेपालमा प्रयोग गर्नका लागि आफ्नो तर्फबाट सक्रीय भूमिका निर्वाह गर्ने बताईन। फार्मेसी बिज्ञानमा पिएचडी रत श्रेष्ठ योङ्गनाम विश्वविद्यालय अध्ययन गर्दैछिन।
