कोरियामा उपचार्थ धर्म रानालाई आर्थिक सहयोग ।
धन गुरुङ , सोल ।
विगत केही समयदेखी अस्वस्थ भएर कोरियामा उपचाररत स्याङ्जा मनकामनाका धर्म रानालाई स्याङ्जा भिरकोट आर्थर तमु समाजले आर्थिक सहयोग प्रदान गरेको छ । आज दोङ्देमुनमा एक कार्यक्रमको आयोजना गरि ६,६६,००० वन सहयोग हस्तान्तरण गरेको हो ।
समाजका अध्यक्ष नर कुमार गुरुङ, सल्लाहकार अमन गुरुङ, स्याङ्जा परिवारका कोषाध्यक्ष टेक राना उपस्थितिमा रकम बिरामी रानालाई प्रदान गरिएको थियो । “आज मलाई यो घडीमा आफ्नो भिरकोट आर्थरको दाजुभाई दिदिबहिनीहरुले गरेको सहयोगप्रती धेरै धन्यवाद दिन चाहान्छु तपाईहरुको गुण सधै सम्झिने रहनेछु ” सहयोग प्राप्तपछि बिरामी रानाले भने ।
सहयोग प्रदान गर्दै समाजका अध्यक्ष नरकुमार गुरुङले धर्म रानाको अस्वस्थले निकै दुखित भएको र सानो रकम भए नि सहयोग प्रदान गरेको बताउनु भयो ।
राना विगत ५/६ महिनादेखी कोरियाको एक अस्पतालमा उपचाररत थियो । उहाँ स्वास्थ्यमा सुधार आएपछी अघिल्लो हप्ता मात्र अस्पतालबाट डिस्चार्ज हुनुभएको थियो । धर्म राना कोरियामा समाजसेवीका रुपमा चिनिदै आएको नाम हो । कोरियामा हुने प्रत्येक कार्यक्रमहरुमा उहाँको सहयोग र उपस्थिति प्रायः अनिवार्य हुने गर्दछ । स्याङ्जा भिरकोट आर्थर तमु समाजले कोरियामा विभिन्न समस्यामा परेका भिरकोट आर्थर वरिपरिलगायत जिल्लाबासीलाई सहयोग प्रदान गर्दैआइरहेको छ । सहयोग हस्तान्तरण कार्यक्रममा समाजका कोषाध्यक्ष देवेन्द्र गुरुङ , सदस्यहरु इन्द्र गुरुङ , शान्त गुरुङ , पुर्ण गुरुङ, कुमार गुरुङ र जमान गुरुङको पनि उपस्थिति रहेको थियो । स्याङ्जा भिरकोट आर्थर तमु समाज उहाँको शिघ्र स्वास्थ्यको लाभको कामना गर्दछ ।
