अवैधानिक बनाउन मन्त्री नै माध्यम

सोल ,

दक्षिण कोरियामा नेपाली युवालाई गैरकानुनी बनाउने कार्यमा कामचलाउ सरकारका एक मन्त्री माध्यम बन्ने गरेको खुलेको छ ।
धार्मिक कार्यक्रममा नेपालबाट शान्ति तथा पुननिर्माणमन्त्री एकनाथ ढकाल  मार्फत कोरिया आएका युवाहरु भाग्ने गरेका छन । क्रिस्चियन धर्म प्रवर्धनका लागि ढकालले पटक पटक नेपाली युवाहरु कोरिया भित्र्याएका छन । युनिभर्सल पिस फेडेरेसनले आयोजना गर्ने धार्मिक कार्यक्रममा ढकालले नेपालबाट सांसदहरुको साथमा अन्य युवाहरु पनि ल्याउने गरेका छन् ।
पछिल्लो पटक २९ माघ देखि ४ फागुनसम्म भएको धार्मिक कार्यक्रममा सहभागी गराउन ढकालले दश सांसद सहित १७ जनालाई कोरिया ल्याएका थिए ।  अवैधानिक भई  काम गरेका  एक नेपालीले दिएको जानकारी अनुसार  कामका लागि आएर उनि जस्तै भाग्ने अरुपनि छन् ।

मन्त्री परिषद र मुख्य सचिवको सहमति बेगर ढकाल दश सांसदहरु  सहित  धार्मिक कार्यक्रममा कोरिया प्रस्थान गरेको  भन्दै उनको  आलोचना भएको थियो ।
युनिभर्सल पिस फेडेरेसन  क्रिस्चियन धर्म प्रवर्धनका लागि कोरियामा मुख्यालय रहेको सस्था हो । उक्त सस्थाको प्रमुख कोरियाका उद्योगी सन् म्योंग मुन रहेका छन । ढकाल युनिभर्सल पिस फेडेरेसनका नेपाल प्रमुख हुन । ढकाल प्रमुख रहेको  सो सस्थाको नक्सालमा युनिफिकेसन चर्च रहेको छ  ।

क्रिस्चियन धर्ममा नेपालमा सक्रिय भएर धार्मिक प्रवर्धनमा लागेका युवाहरुलाई ढकालले कोरियामा आयोजित कार्यक्रममा सहभागि गराउने गरेका छन । नाम उल्लेख नगरिदिन आग्रह गरेका  अवैधानिक ति  युवाका अनुसार ढकालको परिवार दलमा आवद्ध भएर नेपालमा क्रिस्चियन धर्मको प्रचारमा सक्रिय भए पश्चात कोरिया प्रवेश सहज हुने गर्छ ।
युनिभर्सल पिस फेडेरेसन नेपाल शाखाले धर्म प्रचारका लागि तिन महिने अभियान संचालन गरेको हुन्छ । संचालित अभियानमा सक्रिय रहेर धर्म प्रचार गरेको हुनुपर्छ । उनले भने  मन्त्री ढकाल सहभागी परिवार दलको कार्यक्रममा पाँच सात सय सर्वसाधारणहरुको  उपस्थिति पनि गराउन सक्ने  हर्ताकर्ता हुनुपर्छ ।

धार्मिक प्रयोजनका लागि कोरिया आउदा दोहोरो प्लेन शुल्क सहित कोरिया बसाईको खर्च युनिभर्सल पिस फेडेरेसनले ब्यहोरेको हुन्छ । कागजपत्र मिलाउदा दुइ लाख बढी खर्च भएको उनले बताए । उनका अनुसार ढकाललाई बिश्वाश दिलाउन सक्नुपर्छ । अवैधानिक बन्ने जानकारी ढकाललाई नबताए पनि पटक पटक जम्बो टोलि ल्याउनेलाई थाहा नहुने कुरा भएन उनले भने ।
डा बाबुराम भट्टराई प्रधानमन्त्री रहेको समयमा ढकाल सहकारी तथा गरिबी निवारण मन्त्री रहेका थिए । परिवार दलका समानुपातिक दुइ सांसद रहेका छन् । नेपालको दुरावस्था देखाएर आर्थिक संकलन कोरियाको सडक मै उठाएको भन्दै गत बर्ष दुतावासले ढकाललाई सचेत गराएको थियो ।