छुसकमा डा. बाबुरामा कोरिया आउने

राजु श्री / डोलु आले मगर

नयाँ शक्ति नेपाल पार्टीका संयोजक तथा पुर्व प्रधानमन्त्री डा.बाबुराम भट्टराई यहि सेप्टेम्बर १५ तारिख कोरिया आउने भएका छन् l नवगठित पार्टी नयाँ शक्ति नेपालको प्रवास संगठन अन्तराष्ट्रिय नेपाली समाज दक्षिण कोरिया ले आयोजना गर्न गैरहेको बृहत खुल्ला भेलालाई सम्बोधन गर्न भट्टराई कोरिया आउन लागेका नयाँ शक्ति कोरियाले जनाएको छ l

कोरियाको महान पर्व छुसक विदाको अवसर पारेर आयोजना गर्न लागिएको उक्त कार्यक्रम यहि सेप्टेम्बर सोह्र तारिखको दिन कोरियाको राजधानी सोलमा हुनेछ l उक्त कार्यक्रममा पुर्व सांसद तथा नयाँ शक्ति नेपालको विदेश विभाग संयोजक नवराज सुवेदी पनि सहभागी हुने  छन् l आयोजकले अन्य थुप्रै कार्यक्रम गर्ने तयारी गरेको भएता पनि संयोजक डा. भट्टराइ को अत्यधिक कार्य व्यस्तताको कारणले अन्य कार्यक्रमलाई स्थगित गरेर सोह्र तारिखको दिन खुल्ला भेला तथा आन्तरिक प्रशिक्षणलाइ सम्बोधन मात्र गर्ने कार्यक्रम तय गरेको छ l

त्यसको भोलिपल्टै डा. भट्टराई अन्तराष्ट्रिय नेपाली समाज जापानको १८ तारिखको भेलालाई सम्बोधन गर्न जापान प्रस्थान गर्ने उनको सचिवालयले जानकारी गराएको छ l साथै सोलमा हुने १६ तारिक को कार्यक्रम लाइ सफल पारिदिन कोरियामा रहेका मजदुर ,ब्यापारी ,बुद्दिजिबि ,पत्रकार ,विभिन्न संघ सस्थाका प्रतिनिधि लगायत सम्पूर्ण नेपाली दाजु भाइ दिदि बहिनीहरुमा अन्तराष्ट्रिय नेपाली समाज कोरिया ले हार्दिक अपिल गरेको छ l