साउदीबाट पक्षघातपूर्ण शरिर लिएर नेपाल फर्के समबहादुर
हुम सुनारी मगर
साउदी अरब
विदेशमा गएर पैसा कमाई परिवारको राम्रो पालन पोषन गर्ने सपना बुनेर साउदी अरब पुगेका समबहादुर मगर अन्तत शरिरको एक भाग नचल्ने पक्षघात भएर घर फर्कनु परयो । सउदी पुगेको एक महिनामा नै उनी अस्पतालको शैयामा पुगे सबैको सहयोगमा शरीरको एक भाग नचले पनि उनी जिवित नै घर फर्के ।
साउदी रियाद स्थित साउदी जर्मन अस्पतालमा ३ महिना १० दिन उपचार गरेपछि उनी सोमबार काठमाण्डौ पुगेका छन् । उनी उपचार गर्दा अस्पतालमा उठेको विल ५ लाख १० हजार साउदी रियल अथार्त १ करोड ४७ लाख रुपैँया अस्पतालले मिनाह गरिदीएको छ । मधुमेह र उच्च रक्तचापका कारण उनको शरीरको दायाँ भाग नचल्ने भएकाले सम बहादुर ह्वील चियर सहित काठमाण्डौ पुगेका छन् । सोही अस्पतालका डक्टरले उनलाई ह्वील चियर निशुल्क दिएका थिए ।
सम बहादुर शौचालयमा अचानक लड्दा कम्बोडमा उनको शिर ठोक्किएको थियो । शिरमा गम्भिर असर परेकोले उनी बेहोस भएपछि तुरुन्तै अस्पताल पुराइएको थियो । काठमाण्डौको म्यानपावर कम्पनी अक्सफोर्ड इन्टरनेशनलबाट एक निजी कम्पनीमा काम गर्न उनी साउदी पुगेका थिए ।
