मगर संघ कोरियाद्वारा राहत वितरण

निश्चल काउचा

सोल -बैशाख १२ गते(२५ अप्रिल २०१५) शनिवार नेपालमा गएको प्रलयकारी भुकम्पमा परि हालसम्म मृत्यु हुनेकाको संख्या ७ हजार ९ सय १४ पुगेको छ। त्यस्तै, १६ हजार ३५ जना घाइते भएका छन् भने अर्बौको भौतिक क्षति पुगेको छ | देशलाई आईपरेको बिपतको घडीमा थोरै भए पनि मल्हम लगाउने उदेश्यले नेपाल मगर संघ कोरियाले सुरु गरेको राहत संकलन अभियान अन्तर्गत भुकम्पले अति प्रभावित जिल्ला गोर्खावाट राहत वितरण सुरु गरेको छ |

संस्थाका नेपाल प्रतिनिधिहरु छ्याम थापा मगर , उप-संयोजक हेमन्त थापा मगर,आर्थिक सयोंजक सी.पी. मगर , जुनु पुन मगर , तारा देवी थापा मगर , अजिता थापा मगर , गोबिन्द ल्हाए मगर , अर्जुन बिर्कट्टा मगर , आनन्द सारु मगर , हिमाल सारु मगर लगायतका सदस्यहरुवाट राहत स्वरुप दैनिक उपभोग्य बस्तुका साथै जस्ता पाता वितरण गरिएको थियो | गोर्खा जिल्लापछि लगत्तै धादिङ , सिन्धुपाल्चोक लगायत अन्य प्रभावित क्षेत्रमा राहत वितरण गरिने संस्थाका नेपाल प्रतिनिधी सिपी मगरले जानकारी दिएका छन् | संस्थाले संकलन गरेको कोरियन वन् १ करोड ७० सत्तरी लाख वन करिब सोह्र लाख रुपैयाँ पहिलो चरणमा नेपाल पठाईएको थियो |

संघले यहि मे १५ सम्म राहत संकलन कार्य जारी रहने जानकारी गराउदै सहयोग गर्न छुट्नु भएका नेपाली दाजु भाई तथा दिदी बहिनीहरुलाई सहयोग गर्न पनि आग्रह गरेको छ | मे १५ सम्म उठेका सम्पूर्ण रकम दोस्रो चरण भुकम्प पिडितलाई राहात स्वरुप पठाईने जानकारी दिदै सहयोग गर्नु हुने सम्पूर्ण मानुभावहरुको नाम सामाजिक संजाल र अनलाईन मिडियामा राखिने पनि संस्थाले जनाएको छ |