कोरियामा वसन्त कविता हुने
जीवन खत्री
लेखक कविहरुले आउँदो अप्रिल १९ तारेखमा कोरियालाई कवितामय बनाउने भएका छन्। कोरिया थेगु शहरको तारा होटलमा बिहान १० बजे हुने भनिएको उक्त कार्यकममा यहाँ बिभिन्न पेसा, व्यवसाय,अध्यनको सिलसिलामा बसिरहेका लेखक कविहरुलाइ एकै ठाउँमा भेला गरी कविता सुन्न सुनाउन यो कार्यक्रम आयोजना गर्न लागिएको हो।
‘वसन्त कविता -२०१५’ नाम दिइएको यो कार्यक्रम, अहिले वसन्त याम भएकाले पनि कविताको रंगले अझ सुन्दर तथा आनन्दमय बनाउने धेय छ, कविहरुको ।
“यतिबेला वसन्त याम रूखका हाँगाहरू, मुनाहरू, फूलका थुंगाहरू हुँदै हृदय सम्म आइपुगेको छ। शान्त अनुभूतीको लागि फूल लोहोरी हो। कविता फूलको थुंगाले हिर्काएकोन्यानो स्पर्स हो । त्यसैले पनि यो याममा हामीले कविता बाचनको अवसर जुटाउने प्रयास गरिरहेका छौँ,” आयोजक मध्येका एक कवि रमेश सायनले बताए।
साहित्य घरमा झोला थन्क्याए झैँ चुपचाप एउटा कुनामा बस्दैन । यो छाया हो । लेखक कवि जहाँ पुग्छ, त्यहि पुग्छ दु:ख सुख, अनुभुती र स्वभाव। कविहरुले देश छोडेर आउँदा आफुसँगै बाेकेर ल्याएका हुन्छन्, कवि हृदय र कविता ।
तर बिभिन्न बहानामा कोरियामै रहेर पनि कवि लेखकहरुबिच भेटघाट तथा चिनजान नहुनुले साहित्यक हृदय खुम्चिन सक्छ र लेखनमा कमी हुन सक्छ। यसो हुँदा लेखकलाई मात्र नभएर, नेपाली साहित्य र राष्ट्रलाई समेत अप्रत्यक्ष रुपमा प्रभाव परिरहेको हुन्छ । यो कुराको रिक्तता पुरा गर्नु समेत वसन्त कविता २०१५को भूमिका रहने कविहरुको भनाइ छ ।
“कोरियामा बस्नु बाध्यता बाहेक प्रवासी भाेगाइ र अबसर पनि हो । यसलाई कविहरुले कसरी लिएका छन्, बाढ्ने अवसर हुनेछ” कवि अञ्जान काँईलाले भने ।
“प्रवासमा अनेक देशका मान्छेका जीवन, संस्कृती र भोगाइकाे लय बुझ्न पाइन्छ । जीवनकाे फरक स्वाद चाख्न पाइन्छ । यीनै अनुभुतीहरूमा सुन्दर कला र रंगकाे संयाेजन गरेर पाठकहरूलाइ दिने हाे भने पाठकले पनि फरक स्वाद र फरक जीवनकाे लय अनुभुत गर्छन्,” कवि बिनोद बान्तवा भन्छन् ।
कविहरुको एकआपसमा भेटघाट, चिनजान, आपसका सुख-दु:ख साटासाटका अलवा वर्तमान कविताको धार र कविहरुले लेखीरहेका बैचारिक चेतको बारेमा समेत छलफल हुने जानकारी आयोजकको भनाइ छ ।
कार्यक्रममा आयोजकले कोरियामा रहेका सबै साहित्यकारहरुलाई समेट्ने प्रयास गरेको र साहित्यलाई माया गर्नेहरुलाई उपस्थित भैदिन समेत आग्रह गरेका छन्। कार्यक्रममा आफुसँग भएका रचनाहरु कविता, गजल, गीत, मुक्तक लगाएत धक फुकाएर वाचन गर्न सकिनेछ ।
युट्युबबाट लाइभ प्रसारण गर्ने उक्त कार्यक्रम फोनिजकोरिया.कम, हेल्लोनेपालकोरिया.कम तथा रमाइलो.कमले समेत मिडिया पार्टनरको भूमिका निभाउने छन् ।
कार्यक्रमबारे बिस्तृत जानकारीका लागि निम्न व्यक्तीहरुलाई सम्पर्क गर्न सकिनेछ।
कार्यक्रम: – वसन्त कविता-२०१५
स्थान :- थेगु ,तारा होटेल
मिती :-१९ अप्रिल २०१५
समय :- बिहान ठिक १० बजे
सम्पर्क व्यक्तीहरु :-
१:- चिरन्जिबी पाण्डे – 010-2232-8050
२:- अज्ञात पाल्पाली -010-8696-2025
३:- लक्ष्मण दाहाल -010-8783-2284
४:- रमेश सायन -010-3106-4557
५:- गंगा पौडेल
६:- कल्पना राई
७:- कस्तुप गैरे 010-7184-1716
८:- लबकुश माल्टालि 010-4965-8922
९:- कमल पोख्रेल निश्चल -010-4998-5155
१०:-अञ्जान काइँला – 010-5950-7483
११:- मणी भुसाल -010-64425453
१२:- जीवन खत्री- 01020832051
