कोरियाको नयाँ नियमले बिदेशी बुहारीलाई समस्या
ऐश्वर्य श्रेष्ठ
सोल-दक्षिण कोरियाले कडा भिसा नियम लागु गरेसंगैं विवाह गरेर यहाँ आउने आप्रवासी महिलाहरु समस्यामा परेका छन् ।
कोरिया आएर विवाह गरी बस्ने महिलाहरु कोरिया सरकारले कडा भिसा नियम लागु गरेकोले यो महिना निक्कैं असर पुगेको एक अध्ययनले देखाएको छ ।
शुक्रबार कोरिया मल्टी कल्चर रिसर्च इन्स्टिच्युट र प्राईभेट थिंक टयांकले सार्वजनिक गरेको प्रतिवेदन अनुसार कोरियन दुतावासले एफ ६ भिसा नविकरण गर्नेको संख्या आधामा घटेको छ ।
गत बर्ष ५ हजार ७ सय आठ भियतनामीले एफ छ भिसा दर्ता गरेका थिए जसमा यो बर्ष घटेर २ हजार ९ सय ६७ मा घटेको छ ।ती भिसाहरु आप्रवासी विवाह भिसामा आई दर्ता भएका हुन । म्यारिज ब्युरोबाट कोरिया आएका एसियन देशका नागरिकहरु भिसा नियम परिवर्तनले निक्कैं समस्यामा पर्ने भएका छन् ।
अब कोरियन नाजरिकसंग विवाह गरेर बस्नका लागि भिसा अन्र्तवार्तामा एडभान्स लेभलको कोरियन भासा परिक्षा पास गर्नुपर्ने भएको छ भने आफनो परिवार अर्थात श्रीमान श्रीमतीलाई पाल्ने आर्थिक आधार समेत प्रष्ट हुनुपर्नेछ ।सरकारी अधिकारीहरुले बताए अनुसार घरेलु हिंसा बढेको कारण भिसामा कडाई गरिएको जनाएको छ ।कम्बोडिन सरकारले भने २०१० देखि आफनो देशका नागरिकलाई कोरियनसंग विवाह गर्न बन्देज गरेको छ ।
लैंगिक समानता तथा परिवार मन्त्रालयले जनाए अनुसार करिब ३ लाख विदेशी महिलाहरु कोरियन नागरिकहरुसंग विवाह गरेर बसोबास गदैं आएका छन् ।
