नेपाली जनप्रगतिशिल मञ्च र प्रवासी नेपाली एकता मञ्चबीच एकता हुने
दक्षिण कोरियामा रहेका दुइ राजनैतिक संगठन नेपाली जनप्रगतिशिल मञ्च र प्रवासी नेपाली एकता मञ्चबीच एकता हुने भएको छ। एकता घोषणा अक्टोबर १९ तारिख दोङ्देमुन स्थित सेमाउल हलमा गरिने भएको छ।
अक्टोबर ६ तारिख संयुक्त पत्रकार सम्मेलन आयोजना गरि एकता हुने जानकारी गराएका थिए। सञ्चारकर्मीको प्रश्नमा दुवै संगठनबाट यो एकता केन्द्रबाट निर्देशन नभएर एकताका लागि विद्रोह जस्तै भएको जवाफ दिएका थिए।
नेपाली जनप्रगतिशिल मञ्च नेकपा माओवादीको प्रवास संगठन र प्रवासी नेपाली एकता मञ्च एकपा एकिकृत समाजवादीको प्रवास संगठन हो। यि दुइ संस्थामा क्रमश जीवन खतिवडा र राजु राई नेतृत्वमा छन्। केन्द्रमा पनि यि दुइ पार्टीको एकिकरण हुने चर्चा चलिरहेको छ।
