कोरियामा फ्रिसी ( युवा )प्रदर्शनको तयारी पूरा ।
सोल –
तमु धीँ दक्षिण कोरियाको आयोजनामा प्रदर्शन हुन लागेको गुरुङ फिल्म फ्रिसी (युवा) को सम्पुर्ण तयारी पूरा भएको छ । तमु भाषा, कला, संस्कार संस्कृतिको संरक्षण र सम्बर्द्धन गर्ने उदेश्य साथ तमु हाउस ब्यवस्थापनको सहयोगार्थ फिल्म कोरियामा पहिलो पटक प्रदर्शन गर्न लागिएको तमु धींका वरिष्ठ उपाध्यक्ष तथा फ्रिसीका निर्माता एवं कोरिया प्रदर्शन संयोजक प्रितम गुरुङले जानकारी दिए ।
नेपालमा प्रदर्शनमा आई नसकेको यो फिल्मको पहिलो प्रदर्शननै कोरियाबाट हुन लागेको निर्माता गुरुङले बताए । कोरियाको प्रदर्शनपश्चात यो फिल्म नेपाल लगायत हङकङ र बेलायतमा पनि प्रदर्शन हुने तर्खरमा रहेको उनले जानकारी दिए । गुरुङ फिल्म भए तापनि फिल्ममा ७० प्रतिशत बढी नेपाली भाषाको प्रयोग गरिएको भएकोले सबैखाले दर्शकले फिल्म हेर्न सकिने फिल्म युनिटले जनाएको छ । समसामयिक कथावस्तुलाई समेटेर निमार्ण गरिएको यो फिल्मले बिशेष गरेर परदेशमा हुने अभिभावक र स्वदेशमा हुने तिनका परिवार र सन्तानमा देखा पर्ने समस्यालाई चित्रण गरिएको छ । युग गुरुङको निर्देशन तथा कथा रहेको फ्रिसी गुरुङद्धारा निर्देशित फिल्महरु मध्ये पृथक र उत्कृष्ट रहेको गुरुङ स्वयम स्वीकार्छन । कोरियाको सोलमा प्रदर्शन लगत्तै कोरियाका अरु मुख्य शहरहरु थेगु र बुसानमा पनि फिल्म प्रदर्शन गरिने निर्माता प्रितम गुरुङले बताए । फेब्रुअरी २८ तारिखमा सउल छङ्ग्गु छङ्ग्सोन्योन सुर्योङ्वानमा दिउँसो १ बजेबाट प्रदर्शन सुरु हुनेछ । फिल्म प्रदर्शन हुने हलसम्ममा मेट्रो ट्रेन लाइनको ३र ६ बाट गएर याक्सु स्टेसनको ५ नम्बर गेटबाट बाहिरिएपछी पुग्न सकिनेछ । उक्त दिन फिल्म प्रदर्शन हलमा विभिन्न नेपाली परिकारहरु सेलरोटी र खाजा नास्ताको पनि ब्यवस्था रहेको बताएको छ ।
