लमजुङ परिवारले मे १५मा दोस्रो मर्स्याङ्दी च्याम्पियनसिप फुटबल प्रतियोगिता गर्ने

सोल-लम्जुङ परिवार दक्षिण कोरियाले आउदो मे महिनामा दोस्रो मर्स्याङ्दी च्याम्पियनसिप खुल्ला नक आउट फुटबल प्रतियोगिता गर्ने भएको छ ।मेमहिनाको १५ तारिखका दिन सो प्रतियोगिता गर्न लागेको हो ।

फेब्रुअरी ७ तारिखमा भएको लम्जुङ परिवार दक्षिण कोरियाको वृहत् भेलाले खेलकुदलाई संस्थागत विकास र कोरियामा रोजगारीको लागि आएका सम्पुर्ण युवाहरुको फुटबलप्रती देखाएको रुचिलाई लक्षित गरि उक्त प्रतियोगिता गर्न लागेको लम्जुङ परिवारले जनाएको छ ।लम्जुङ परिवार दक्षिण कोरियाको अध्यक्ष धन गुरुङको सभापतित्वमा सम्पन्न उक्त वृहत् भेलामा कोरियान नयाँ वर्ष सलनालको शुभकामना अदानप्रदान र रोजगारी अनुमति प्रणाली (EPS) बाट कोरिया आएका आधा दर्जन भन्दा बढी युवाहरूलाई स्वागत समेत गरेका थिए ।
परिवारका भु.पु. अध्यक्ष एवं सल्लाहकार दिलिप धिताल , भिम गुरुङ , परिवारका वरिष्ठ उपाध्यक्ष बिल गुरुङ र लम्जुङ एफ.सि.का वरिष्ठ खेलाडी रोशन गुरुङले भावी दिनमा एफ.सि.र परिवारबीचमा रहेका केही मतभेदलाई अन्त्य गरि एक भएर अघि बढ्नुको विकल्प नरहेको कुरामा सबैले जोड दिदै आफ्नो मन्तव्य सहित सलनालको शुभकामना दिएका थिए।मे १५ तारिखका दिन कोरियामा रहेका सम्पुर्ण संघसंस्थाहरुलाई उक्त प्रतियोगितामा सहभागिता जनाई अन्य कुनै कार्यक्रमहरु नजुधाईदिन अध्यक्ष धन गुरुङले आग्रह गरेका छन् ।

स्मरणीय कुरा लमजुङ परिवारको भातृ फुटबल संगठन लम्जुङ एफ।सि।ले दुई पटक राजदुत कप २०१४ र २०१५ , तिलिचो कप २०१५ र नागार्जुन कप २०१५को विजेता समेत हो ।लम्जुङ परिवारको उक्त वृहत् भेला कार्यक्रमको सञ्चालन भने महासचिव मेघप्रसाद वाईवाले गरेका थिए ।