ओएनएफ कोरियाको बुसान र ओइजम्बु अधिबेशनहरु स्थगित, भुकम्प राहत सन्कलनमा केन्द्रित
फोनिजकोरिया सम्वाददाता,सोल – प्रबासी नेपाली मन्च ( ओएनएफ) दक्षिण कोरियाले आफ्ना क्षेत्रीय अधिबेशनहरु अर्को सुचना जारी नहुन्जेलसम्मको लागी स्थगित गरेको जनाएको छ ।
ओएनएफ अध्यक्ष गोबिन्द गाउँलेले फोनिजकोरियालार्इ दिएको जानकारी अनुसार नेपालमा बैशाख १२ गते आएको भुकम्पमा परि सिङ्गो देश मात्र हैन प्रबासमा बस्ने सबै नेपालीहरु समेत शोकाकुल रहेको हुनाले २०१५ को मे महिनाभर हुने सबै सार्बजनिक कार्यक्रमहरु हाललाइ स्थगित गरिएको हो ।
यस अघि ओएनएफ कोरियाले मे महिनाको ३ तारिख उत्तरको ओइजम्बु क्षेत्र र मे को १० तारिख दक्षिणको बुसान क्षेत्रमा आफ्नो क्षेत्रीय अधिबेशन आयोजना गर्ने जनाएको थियो ।
ओएनएफ केन्द्रिय कमिटिका सदस्यहरु निराजन तिमिल्सिना र प्रकाश ब्लोनका साथै थेगु क्षेत्रिय कमिटिका अध्यक्ष नेत्र दुलालले समेत महाभुकम्पबाट आफ्ना परिवारका सदस्यहरु गुमाएको हुनाले अहिले ओएनएफ कोरिया शोकाकुल बनेको अध्यक्ष गाउँलेले बताए ।
ओएनएफले आफ्ना कमिटिका सदस्यहरुका आफन्त लगायत सम्पुर्ण मृत्यु भएका नेपालीहरु प्रति हार्दिक श्रद्दान्जली ब्यक्त गर्दै शोकाकुल परिवार सबैमा समबेदना प्रकट गरेको छ ।अध्यक्ष गाउँलेका अनुसार महाभुकम्पबाट सिन्धुपाल्चोक , गोर्खा , काठमाडौ , काभ्रे पलान्चोक , झापा , तनहुँ ,लम्जुङमा ओएनएफ सदस्यहरुले जन धन र भौतिक क्षती ब्यहोर्नु परेको छ ।
ओएनएफले आफ्ना समर्थक , सुभेच्छुक र सदस्यहरु सबैलाइ राहत बितरणको लागी आर्थिक सहयोग सन्कलनलार्इ तिब्रता दिएको हुनाले ओएनएफ कोषाध्यक्ष पर्शुराम सापकोटाको हानाबैंकको एकाउण्ट नम्बर
: 65291019770107 Hana bank 파슈람 मा रकम जम्मा गरिदिन सबैमा अपिल गरेको छ ।
महाभुकम्पमा हालसम्म झण्डै ५हजारको शब फेला परेको छ भने हज्जारौ मानिसहरु घाइते हुनका साथैं भौतिक संरचनाहरु नष्ट भएको र लाखौंको जनजिबन अस्तब्यस्त भएको हुँदा प्रबासमा काम गर्ने सबैमा मानसिक तनाब रहेको हुनाले सबैलाइ धैर्यधारण गर्दै होशियारपुर्वक काम गर्न समेत ओएनएफले अनुरोध गरेको छ ।
त्यसैंगरी आगामी आइतबार ३ तारिख नेपालहाउसमा राखिएको १५ दिने श्रद्धाञ्जली स्थलमा गएर सौल क्षेत्रमा हुने ओएनएफ सदस्यहरुले १२ बजे एकैसाथ श्रद्धाञ्जली दिने कार्यक्रम रहेको ओएनएफ सचिब दिपेन्द्र अधिकारी बताए ।
