भूकम्प पीडितलाई सहयोग गर्न कोरियामा चलचित्र प्रदर्शन
फोनिज कोरिया संवादाता
सोल
ओखलढुंगा सेवा समाज कोरियाले भूकम्प पीडितलाई सहयोग गर्ने उद्धेश्यले नेपाली कथानक चलचित्र रेशम फिलिली आउदो आइतबार थेगुमा प्रदर्शन गर्न लागेको छ । पूर्व निर्धारित चलचित्र प्रदर्शनबाट प्राप्त रकम अचानक नेपालमा आएको भूकम्प पीडितको सहयोगमा प्रदान गरिने समाजले जनाएको छ ।
प्रदर्शन कार्यक्रममा ज्ञात अज्ञात मृतक आत्माको चिर शान्ति र घाइतेहरुको शिघ्र स्वस्थ्य लाभको कामना गर्दै दीप प्रज्वल गरिने समाजले जनाएको छ । थेगु शहरको सगु मुन्ह्वा हेग्वान थेगुमा मे महिनाको ३ तारिख आइतबार दिनको १ बजे पहिलो प्रर्दशन गर्ने भएको छ ।